Mateub 28
28
Jesub di khâis
(Markub 16:1-10; Lukab 24:1-12; Johaneb 20:1-10)
1Sabbattsēs* khaoǃgâ, ǂguro tsēs wekheb dis di ǁgoaǃaroma ra ge Maria Magdalenas tsî nau Marias tsîra ǀhobasa sī nî kōse ge ǃgû. 2ǁNātimîsib ge kai ǃhūǂgubiba ge ī; ǀhomǃgāb ǃKhūb dib ge ǀhomma xu ǁgôaxa, ǀuisa garibē tsî ǁîs ai ge ǂnû. 3Tsî ǁîb īsib ge napab khami ge ī i tsî ǁîb saran ge tsamaros khami ge ǃuri i. 4#Mat. 27:62-66ǃÛi-aogu ge ǃaob xa gere ǀkhū tsî ǁō hâ khoegu khami ge ī i.
5Ob ge ǀhomǃgāba ǁîra ǃoa ge mî: “Tā ǃao re! ǂAn ta ge a Jesub ǃgâuhe geba ro ra ôa ǃkhaisa. 6ǁÎb ge nēpa a ǀkhai; mîb ge khamib ge ǁōba xu go a khâi. ǀKhī, î kō hā re ǁîb soros go ǁgoe i ǃkhaiba. 7Î nēsi ǃhaese ǃgû, î ǁîb ǁkhāǁkhāsabega* sī mîba, ǁōba xub go khâi ǃkhaisa tsîb ge nēsisa sadu aiǃâ Galileab ǁga garu; ǁnāpa du ge nî mû bi. ǂÂis ǃnâ ūhâ, tita xa du ge mîbahena.”
8ǃAob tsî kai ǃgâiaǂgaob ǀkha ra ge ǀhobasa xu ǃkhoebē tsî ǁîb ǁkhāǁkhāsabega sī ge ǂhôa.
9 #
Jhn. 20:14-18
Tsî ǁnāti ra garu hîab ge Jesuba ǀhao-ū ra tsî ǁîra ǃoa ge mî: “Tawede ro ta ra.” O ra ge sī tsî ǁîb ǂaide tsâǀkhā tsî ge ǀgoreǀî bi. 10“Tā ǃao re” tib ge Jesuba ǁîra ǃoa ge mî: “ǃGû, î ti ǃgâsaga sī ǂhôa, î gu Galileab ǃoa ǃgû, o gu ge ǁnāpa sī nî mû te.”
ǃÛi-aogu ge ra ǃnuri
11 #
Mat. 27:62-66
Tsî ǃās ǁga ra garu hîa gu ge ǀnîgu toroǃkhamaogu diga ǃās ǃnâ sī tsî ī gon hoana danapristerga ge ǃhoaba. 12O gu ge danapristerga ǂnomdomgu* ǀkha ǂnûsa dī tsî kai ǃgôab di marina toroǃkhamaoga mā, 13tsî ge mî: “Mâ khoe-i hoa-e mîba: ‘ǁÎb ǁkhāǁkhāsabegu ge tsuxuba ǀkhī tsî sige ǁom hâ hîa sorosa hā go ǃnari.’ 14Tsîb ga ǃāǃkhōmâi-aoba nēsa ǁnâu, o ge ge sige ǁîba ǂkhîǂkhî tsî sago ǂhansensa xu nî huiǂui.”
15Tsî ǃûi-aogu ge mari-e ǃkhōǃoa, o gu ge mîmāhe gu ge khami ge dī. Nē ǂhôas ge Jodeǁîn tawa nētsēs kōse ra ǁgamhe.
Jesub ge ǁîb ǁkhāǁkhāsabega ra ǂhai
(Markub 16:14-18; Lukab 24:36-49; Johaneb 20:19-23; ǃNaeǃkhaidi 1:6-8)
16 #
Mat. 26:32; Mrk. 14:28 Tsî disiǀguiǀa ǁkhāǁkhāsabegu ge Galileaba ǃoa Jesub xa gu ge haisibahe ǃhommi ǁga ge ǃgû. 17Tsî ǁîba gu ge mû, o gu ge ǁîba ge ǀgoreǀî, xawe gu ge ǀnîga gere îganǀgē.
18Jesub ge ǁkhāǁkhāsabegu ǃoa hā tsî ge mî: “Tita ge hoa ǁkhāsiba ǀhommi ǃnâ tsî ǃhūbaib ai māhe hâ. 19#ǃNǃkh. 1:8ǁNā-amaga ǃgûǂoa, î hoa ǁaede ǁkhāǁkhāsabedī, î go ǁîna ǁGûb, ǀGôab tsî ǃAnu Gagab ǀons ǃnâ ǁāǁnâ, 20#Mat. 13:39, 49; 24:3; 18:20; ǃNǃkh. 18:10tsî ǁkhāǁkhā, în tita gere sago mîmān hoana ǃkhōǀgaipe. Tsî ta ge tita hoaǁae sago ǀkha nî hâ, ǃhūbaib di ǀunis kōse.”
Currently Selected:
Mateub 28: KKG20
Highlight
Share
Copy
Want to have your highlights saved across all your devices? Sign up or sign in
Khoekhoegowab Elobmîs © Bible Society in Namibia, 2020.
