Popular Bible Verses from Ekuma á ɓateki 1

Share

Ɓoɓande ndiu na ɓukpɛkpɛ mbenɔ nde Měma á kanga ɓojeɗe adidande gǔ anu. Ɓoɓande phɔtɔ ɓaɗigimisi á nyɔngɔ nɛmɔ ka Yɛusalɛ́ma, Yudɛ́a bui, Samalía na ka sungiaga á mokonda.»

Yéso áǒsikisia te: «Nna nyɔngɔ nɛnu úba á esa na matú nde Abɛ ɗáangi ka kɔkɔta nɛkɛ sasakɛ.

Esa moci, ɓî ɗáoeaga kimoci na ɓɔ, áɔ̌ɔkusaga ɓe: «Ɓókotókɛmbɛ ka Yɛusalɛ́ma, ɓondeagani ndiu mɔkɔ nde Abɛ anɔɔku, nndɔ ɗénóngoɗi. Nga, Yoáni ɗéɓatisi ɓaɓêki na iɓo, ɓenu gǎkɛ mbusa á esa ábɔa, Mokonga anoɓatisande na Měma akɛ.»

Mbusa á kukuwa akɛ, yɛ sasakɛ áɔ̌sɛnɛkɛa na mphangiɔ ɗanga-ɗanga ka engekisa te, a phɔ́tɔ koenda. Ɗáɛsɛnɛkɛi k'ésa nkama gena (40), áǒngoɗeaga nyɔngɔ á koɓoamɛ ndea Mokonga.

Mbusa á yɔnga akɛ ɓó, Mokonga áontáisisa Yéso na koba. Ɓateki na ɓá phɔ́tɔ kɔɛnjia na koba, egugu áomɓómba, ɓákámɔnɛ ye.

Na ɓá phɔ́tɔ otúmia iso aɓɔ na koba, kuɓî Yéso ɗáotáia, mɔngɔ moci, ɓakpa ɓaɓɛ na ɓáɔ́li bɔngɔ ábu, ɓáɔ̌sɛnɛkɛa, cɛɗɛ! Ɓáǒngoɗea te: «Ɓato á ka Galiláya, nyɔngɔ sina nde ɓomamei wani, na ɓɔɔnjia na koba? Yéso, mmbé Mokonga ɗántókisi ka nkíndí anu, áontáisa na koba, ajande goto tɔ ɓíndɔ ɓɔmɔni n'aotáia na koba.»