Popular Bible Verses from Ekuma á ɓateki 2

Share

Mpɔ, Pɛ́tɛɛ áǒsikisia te: «Kětiani tambea anu ájeɗe, ɓánoɓatisɛ moci-moci ka ina á Yéso Kiísito gea te, Mokonga áímɛ ɓojeɗe nɛnu, mpɔ ɓoɓande na ɓokambia á Měma á kanga ɓojeɗe.

Ɓaɓêki ndɔ ɗáɓátú na moíngi ka ɔ́ka ɓɔphɛi ndea ɓateki, ɓáoika ka komunamema, ɓáoeaga kimoci, na mɛma á Mokonga phɔtɔ kimoci.

Mpɔ, ɓɔbu ɓáotúma na Měma á kanga ɓojeɗe, ɓáokpanga yɔnga ka ɛyɔngi nɛngbo ɓíndɔ Měma aéteki gea, ɓáyɔngɛ.

Mɔngɔ moci, eongo áotóka na koba, ɓea sumbu akpɛ phɛɛ unge aɔɓɛta. Eongo ndɔ áotúma k'éndu bui nde ɓaɓêki ɗáɓáiki kau. Mpɔ ɓáɔɔna kema ɓea ɛɛmbɛ á nsa n'ɛ̌sɛnɛkɛi. Ɛɛmbɛ ndɔ áokatanaga, áoika gǔ aɓɔ moci-moci. Mpɔ, ɓɔbu ɓáotúma na Měma á kanga ɓojeɗe, ɓáokpanga yɔnga ka ɛyɔngi nɛngbo ɓíndɔ Měma aéteki gea, ɓáyɔngɛ.

Esa bui ɗáɓáodondanaga k'éndu á Mokonga na měma mo. Báoeaga kimoci k'éndu ɗanga-ɗanga. Ɗáɓáoeaga kimoci na maseye na měma édidisa. Ɓaɓêki ɗáɓáombeba Mokonga, ɓakpa ɓɔbu ɓáǒkonda. Mɔkɔta Mokonga áoyamea ɓunde aéamisi ka měma ka nkíndí á ɓaɓêki.

Mokonga ayɔngi ɓe: ‹Ka matú á sungiaga á mokonda, nɛɛmbisande Měma ani ka ɓakpa ɓɔbu, Ɓaniki ɓǒko na ɓaseka nɛnu ɓáɔtɔande nyɔngɔ, Ɓaganda nɛnu, ɓáɔnande mphaniɔ. Ɓagbɛga nɛnu ɓáɗande na njeki.

Ɓaɓêki ɓɔbu ɗáɓátú tɔ kimoci, ɓáogabeanaga nkumba nɛɓɔ bui ngǔngu aɓɔ. Nga, ɗáɓáosombisaga nkumba ɗanga-ɗanga, na osaa nɛɓɔ, ɓáokatisanaga imɔna í sɔsɔɓɛ aɓɔ ka tɔtɔkisa siki nde nkpa na nkpa ɗátú ně.

Nkpa buakɛ mmbé, aɔphaneande ina á Mɔkɔta, aamande ka měma.›

Maní agaikanande, áoínda, Songe anjɛnjɛmanande ɓea magia, mosá á esa á kiɗia á Mɔkɔta. Esa ndɔ, aɓande esa ángbó, esa á ɓoombia.