Popular Bible Verses from San Lucas 16

Share

“Je̱'e̱ ja'ay mu̶dyiibu̶ oy yajxón kuydyuungu̶xpu̶ñ je̱'e̱ we̱e̱nu̶ba ane̱'e̱mu̶ñ, nan kyuydyunaangu̶xypy je̱'e̱ mu̶jpu̶ ane̱'e̱mu̶ñ oy yajxón; y je̱'e̱ mu̶dyiibu̶ ka'p oy yajxón kuydyuungu̶xyu̶ñ je̱'e̱ we̱e̱nu̶ba ane̱'e̱mu̶ñ, nan ka'p je̱'e̱ mu̶jpu̶ ane̱'e̱mu̶ñ oy yajxón kuydyunaangu̶xy.

“Ka'p je̱'e̱ tuumbu̶ ni tu'ug mu̶dyiibu̶ je̱'e̱ wyindzú̶n mu̶baad me̱tzk mu̶dúñ; je̱' ko tu'ug je̱'e̱ u̶xtíju̶ch y tu'ug tzógu̶ch, o tu'ug kapxymyu̶dowu̶ch y tu'ug ka'akapxymyu̶dowu̶ch. Miich ajku̶xy ka'p je̱'e̱ Dios du'un mu̶baad mmu̶duungu̶xy y cham naty je̱'e̱ kumeeñ'adu̶u̶ mjanch'adzojkku̶xy.”

Pu̶nu̶ ka'p mjajtku̶xy neby je̱'e̱ kumeeñ'adu̶u̶ oy yajxón myajtuungu̶xu̶chu̶ñ mu̶dyiibu̶ ya yajpaatp ma adayaaba naaxwiiñ pokymyu̶u̶dpu̶ju̶ñ. ¿Pu̶n miich da'a xy'okmo'owu̶p ajku̶xy je̱'e̱ kumeeñ'adu̶u̶ je̱'e̱ oybyu̶ jaanchpyu̶? Y pu̶nu̶ ka'p mjajtku̶xy neby oy yajxón mgweentu̶'ajtku̶xu̶chu̶ñ je̱'e̱ tu̶u̶bu̶ mu̶wu̶'u̶mgu̶xy mu̶dyiibu̶ je̱'e̱ wiingja'ay jye̱'e̱'ajtypyu̶ñ. ¿Pú̶nu̶tz miich da'a xy'okmo'owu̶p ajku̶xy mu̶dyiibu̶ miich mje̱'e̱'ajtypyu̶ñ ajku̶xy?

Chi je̱'e̱ Abraham ñu̶maayu̶: ‘Pu̶nu̶ ka'p je̱'e̱ Moisés y je̱'e̱ Dios y'ayuuknajtzkapxu̶u̶ybyu̶du̶jk y'ayuuk mu̶jpu̶daaku̶ ajku̶xy, nan ka'p je̱'e̱ mu̶bu̶jkku̶xu̶ch oy u̶xyu̶py je̱'e̱ o'kpu̶ tu'ug jya'ajuugypyu̶jkpu̶, y jya'aninú̶kxu̶gu̶xpu̶.’ ”

“Pu̶nu̶ je̱'e̱ ya'aydyu̶jk je̱'e̱ tyo'oxyu̶jk u̶xmajtzp y pyu̶jktu̶gach mu̶u̶d je̱'e̱ wiingpu̶ to'oxyu̶jk, tuundu̶gooby naty je̱'e̱ du'un; y nan pu̶n pu̶jkp mu̶u̶d je̱'e̱ to'oxyu̶jk mu̶dyiibu̶ naty tu̶ yaj'u̶xmachu̶ñ, nan tuundu̶gooby naty je̱'e̱ du'un nandu'un.