Popular Bible Verses from Luka 6

Share

Ài y'ài mɔɔɲɔɔlu sɔ, Ala fana kɛtɔ àilu gbu sɔla. A do kɛtɔ àiya sumali kɛla kobɛn, ka àiya bɔlɔ lafa kpekpe, k'a lajaajaa, k'a dɔ kafon a kɔkan fɔɔ ka bɔn. Kamasɔlɔn ài yi sumali kɛla ài mɔɔɲɔɔlu yɛ teme, Ala fana kɛtɔ sumali kɛla ài yɛ ten ne.»

Mɔɔ kein yi kokein ne kɛla, kamasɔlɔn wo yi bɔla a josokun kein ne lɔ. Kɛɛ do, mɔɔ yon yi koyon ne kɛla, kamasɔlɔn wo yi bɔla a josokun yon ne lɔ. Kamasɔlɔn mɔɔ josokun lafanin ko min na, a da yi wo le fɔla.»

Àilu koni, fɔ ài y'ài juulu kanu ka kokein kɛ ai yɛ. Ài yi julu la k'ài jii bɔ a salako kɔ. Wo vɛ kɛla, ài kɛtɔ balayi ba sɔlɔnna ka kɛ Masa Taala dennu le. Kamasɔlɔn ale le yi kokein kɛla mɔɔ bɛ yɛ, hali koɲumalɔnbalilu ni mɔɔ yonnu.

Ài yi kɛ henandelu le, iwo ài Fa Ala yi henande le teme.»

«Ài k'ài mɔɔɲɔɔlu ya kiti tɛɛ, fɔsa Ala kana àilu gbu kiti. Ài do k'ài mɔɔɲɔɔlu jobaliya, fɔsa Ala kana àilu gbu jobaliya. Ài y'ài mɔɔɲɔɔlu makoto, Ala fana kɛtɔ àilu gbu makotola.

«Kɛɛ àilu minu tolo malɔnin ǹ kumakan na yi ne, ǹ'a fɔla ài yɛ, ài y'ài juulu kanu ka kokein kɛ ài lagbeyaɲɛbalu yɛ. Mɔɔ minu y'ài daanna, ài yi duwawu kɛ wolu yɛ, ani ka Ala dali mɔɔlu yɛ minu juuyanin ài la.

Ni ài y'a fɛ mɔɔlu yi ko min bɛ kɛ ài yɛ, àilu gbu yi wo suu dɔ kɛ ai yɛ.

Ni mɔɔ k'i bolokini tolo te, i bolonunma tolo di a ma fana. Ni do mɔɔ k'iya faaniba mina i la, i kà a dansii, iya faani kɔlɔbila la a kɔkan fana. Ni mɔɔ k'i dali fen na, i y'a di a ma. Ni do mɔɔ k'i bolofen bɔ i bolo, i kà wo makili a la.

«Kɔlɔman kein tɛ se den kɛwon kɛla. Kɔlɔman yon fana tɛ se den kein kɛla.

Mɔɔlu yi kɔlɔman lɔnna a den ne ma. Kamasɔlɔn mɔɔ tɛ lɛzɛn bɔla tazan na, i do tɛ toloden bɔla bin woninma la.