Popular Bible Verses from Luka 7

Share

Wo lɔ saa, ǹ'a fɔ i yɛ, moso min ya julumbu siyama bɛ lɔ vɛ koto ka bɛn aa kanundeya wala jate ma. Kɛɛ do, ni a dɔni lɔ ka koto mɔɔ min yɛ, wo tii ya kanundeya dɔɔyatɔle fana.» Wo kɔ, Isa vɛɛ moso yɛ: «Iya julumbulu lɔ vɛ koto.»

Ado Isa vɛɛ moso yɛ: «Iya limaniya v'i lakisi. Taa hɛlɛ lɔ.»

A v'i madonna Isa la a kɔma, k'i lɔ a sen fɛ, a vɛ kasila ka Isa sennu maɲiin a ɲaji le. Wo kɛ, a k'a sennu matɛ a kunsi la, ka ban k'ai masumu, ani k'ai mamun tulu sumadiyanin ne.

Wo le n'a kɛla, ǹe gbu ma na i ma. I do vɛ kuma kelen fɔla dein, ǹa bɔiden yi kɛnɛyale. Kamasɔlɔn ǹe fana yi dɔ le ya fanga kɔlɔ, ado sɔdasilu yi ǹa fanga kɔlɔ. M̀'ɛ a fɔla min yɛ: ‹Taa!›, wo yi taale. Ǹe do v'a fɔla min yɛ: ‹Na!›, wo yi nale. M̀'ɛ a fɔla ǹa bɔiden yɛ: ‹Min kɛ!›, a yi wo kɛle.» Wo mɛn Isa bolo, a ka kawakoya kosɛvɛ. A do k'a ɲa tilimin jama la minu tɛɛ a kɔ, k'a fɔ ai yɛ, a vɛɛ: «Ǹ'a fɔ ài yɛ, m̀ ma limaniya min ɲɔɔzii ye ba bene hali Bani Isilankalu gbu tɛma.»

Wo waate kelen nɔ, Isa ka mɔɔ siyama lakɛnɛya k'ai bɔ aiya jangalolu ni aiya tɔlɔyalu lɔ, ka jinajuulu gbɛn k'ai bɔ mɔɔlu lɔ, ani ka ɲagbɛ siyama ɲa laka. Wo lɔ, Isa ka keladen wolu javi, a vɛɛ: «Ài na min yena, ani ài na min mɛnna, ài yi taa wo fɔ Yaya yɛ: Ɲagbɛlu ɲa la vɛ ka, namalanilu vɛ taama kobɛn, kunatɔlu la vɛ sɛnɛya, tologbɛlɛnnu tolo la vɛ ka, fulenilu la vɛ wuli ka bɔ saya lɔ, ani Samakan Kein la vɛ se fandannilu ma.