Popular Bible Verses from Maitiú 21

Share

Agus cibé ar biṫ neiṫe a iarrfas siḃ i n-urnaiġe, má ḃíonn creideaṁ agaiḃ, ġeoḃaiḋ siḃ iad.

Agus duḃairt Íosa leo, ġá ḃḟreagairt: Amén ádeirim liḃ, má ḃíonn creideaṁ agaiḃ, agus gan aṁras a ġlacaḋ, ḋéanfaiḋ siḃ ní aṁáin dálta an ċrainn ḟíge, aċt fosta má deir siḃ leis an tsliaḃ seo: Tóg ort agus caiṫ ṫú féin isteaċ san ḟairrge, ḋéanfar é.

Agus na sluaiġte a ḃí ag dul roiṁe, agus ag teaċt ina ḋiaiḋ, ḃí siad ag scairtiġ agus ag ráḋ: Hosanna do Ṁac Ḋáiḃiḋ: Is beannuiġṫe an té atá ag teaċt i n-ainm an Tiġearna. Hosanna ins na h-áird.

Agus deir sé leo: Tá sé scríoḃṫa: Goirfear teaċ urnaiġe de mo ṫiġ-se; aċt rinne siḃ-se uaṁaċ ġadaiḋṫe de.

Abraigiḋ le h-inġin Ṡíoin: Féaċ, do Rí ag teaċt ċugat go ceannsa, ina ṡuiḋe ar asal, agus ar ṡearraċ, mac ainṁiḋe na cuinge.

Deir Íosa leo: Nár léiġ siḃ ariaṁ ins na Scrioptúirí: An ċloċ ar ḋiúltuiġ na saoir ċloiċe dí, tá cloċ ċoirnéil déanta dí? Is é an Tiġearna a rinne é sin, agus tá sé iongantaċ i n-ár súla.

Ar an aḋḃar sin, deirim liḃ, bainfear ríoġaċt Dé uaiḃ-se, agus ḃéarfar í do ċineaḋ a ḃéarfas a toraḋ uaṫa.