Maitiú 21
21
Caibidil XXI
Téid Críost isteaċ go h-Ierusalem ar ṁuin asail: ruaigeann sé as an teampall an ṁuinntir a ḃí ag díol agus ag ceannaċ ann: malluiġeann sé an crann fíge: agus cuireann sé na sagairt agus na Scríoḃaiḋṫe ina dtost.
1Agus nuair a ṫáinic siad i ngaoḃar do Ierusalem,#Marc. 11, 1; Lúc. 19, 29. agus ṡroiċ siad Betṗage, i n-aice le Sliaḃ na n-Ológ, annsin ċuir Íosa beirt ḋeisciobal uaiḋ,
2Ag ráḋ leo: Téiġigiḋ isteaċ san ḃaile sin atá ṫall ós ḃur gcóṁair, agus ar an ḃomaite ġeoḃaiḋ siḃ asal ceangailte agus searraċ ina teannta: scaoiligiḋ agus taḃairigiḋ ċugam iad.
3Agus má deir aoinneaċ rud ar biṫ liḃ, abraigiḋ go ḃfuil feiḋm ag an Tiġearna orṫa; agus leigfiḋ ṡé uaiḋ ar an ḃomaite iad.
4Agus ṫárla an méid seo uilig ionnas go gcóiṁlíontaí an rud a duḃraḋ tríd an ḟáiḋ, a deir:#Isaias 62, 11; Sac. 9, 9; Eoin 12, 15.
5Abraigiḋ le h-inġin Ṡíoin: Féaċ, do Rí ag teaċt ċugat go ceannsa, ina ṡuiḋe ar asal, agus ar ṡearraċ, mac ainṁiḋe na cuinge.
6Agus d’imṫiġ na deisciobail, agus rinne siad mar a d’órduiġ Íosa dóiḃ.
7Agus ṫug siad leo an asal agus an searraċ, agus leag siad a mbaill éadaiġ orṫa, agus ċuir siad ina ṡuiḋe orṫa é.
8Agus spréiḋ sluaġ an-ṁór a gcuid éadaiġ ar an ḃóṫar; agus ġearr tuilleaḋ craoḃaċa anuas de na crainn, agus spréiḋ siad ar an ḃóṫar iad.
9Agus na sluaiġte a ḃí ag dul roiṁe, agus ag teaċt ina ḋiaiḋ, ḃí siad ag scairtiġ agus ag ráḋ: Hosanna do Ṁac Ḋáiḃiḋ: Is beannuiġṫe an té atá ag teaċt i n-ainm an Tiġearna. Hosanna ins na h-áird.#Sailm 117, 26; Marc. 11, 10; Lúc. 19, 38.
10Agus nuair a ṫáinic sé isteaċ go h-Ierusalem, ḃí an ċaṫair uilig tré ċéile, ag ráḋ: Cé h-é seo?
11Agus duḃairt na daoine: Is é seo Íosa, an fáiḋ as Nasair na Gailile.
12Agus ċuaiḋ Íosa isteaċ i dteampall Dé,#Marc. 11, 15; Lúc. 19, 45; Eoin 2, 14. agus ṫiomáin sé amaċ a raiḃ ag díol agus ag ceannaċ san teampall, agus leag sé táblaí na malartóirí airgid agus caṫaoireaċa luċt díolta na gcolmán:
13Agus deir sé leo: Tá sé scríoḃṫa:#Isaias 56, 7; Ier. 7, 11; Lúc. 19, 46. Goirfear teaċ urnaiġe de mo ṫiġ-se; aċt rinne siḃ-se uaṁaċ ġadaiḋṫe de.
14Agus ṫáinic na daill agus na bacaiġ ċuige san teampall, agus leiġeas sé iad.
15Agus nuair a ċonnaic uaċtaráin na sagart agus na Scríoḃaiḋṫe na h-iongantaisí a rinne sé, agus na páistí ag glaoḋaċ san teampall, agus ag ráḋ: Hosanna do Ṁac Ḋáiḃiḋ: ḃí ḟearg orṫa,
16Agus duḃairt siad leis: An gcluin tú cad é tá siad seo a ráḋ? Aċt duḃairt Íosa leo: Cluinim; an é nár léiġ siḃ araṁ:#Sailm 8, 3. As béal leanḃán agus naoiḋeanán cíċe d’iomlánuiġ tú molaḋ?
17Agus ġá ḃfágáil dó, d’imṫiġ sé amaċ as an ċaṫair go Betánia, agus d’ḟan sé annsin.
18Agus ar maidin, ag pilleaḋ ar an ċaṫair dó, ḃí ocras air.
19Agus nuair a ċonnaic sé crann fíge#Marc. 11, 15. i n-aice an ḃóṫair, ṫáinic sé ċuige, aċt ní ḟuair sé dadaṁ air aċt duilleogaí aṁáin, agus deir sé leis: Nár ḟásaiḋ toraḋ ar biṫ ort a ċoiḋċe go bráṫaċ. Agus smal an crann fíge láiṫreaċ.
20Agus nuair a ċonnaic na deisciobail é, ḃí iongantas orṫa, agus duḃairt:#Marc. 11, 20. Cad é mar smal sé láiṫreaċ?
21Agus duḃairt Íosa leo, ġá ḃḟreagairt: Amén ádeirim liḃ, má ḃíonn creideaṁ agaiḃ, agus gan aṁras a ġlacaḋ, ḋéanfaiḋ siḃ ní aṁáin dálta an ċrainn ḟíge, aċt fosta má deir siḃ leis an tsliaḃ seo: Tóg ort agus caiṫ ṫú féin isteaċ san ḟairrge, ḋéanfar é.
22Agus cibé ar biṫ neiṫe a iarrfas siḃ i n-urnaiġe, má ḃíonn creideaṁ agaiḃ, ġeoḃaiḋ siḃ iad.#Marc. 11, 24; Eoin 14, 13, agus 16, 23; 1 Eoin 3, 22.
23Agus nuair a ṫáinic sé isteaċ san teampall, ṫáinic uaċtaráin na sagart agus seanóirí an ṗobail ċuige agus é ag teagasc, agus duḃairt: Cad é an t-uġdarás#Marc. 11, 28; Lúc. 20, 2. le n-a ndéan tú na neiṫe seo? Agus cé ṫug duit an t-uġdarás seo?
24Agus duḃairt Íosa leo, ġá ḃfreagairt: Cuirfiḋ mise fosta aon ċeist oraiḃ-se, agus má ḟreagrann siḃ í, innseoċaiḋ mise díḃ-se fosta cad é an t-uġdarás le n-a ndéanaim na neiṫe seo.
25Cá dtáinic baisteaḋ Eoin? An ó neaṁ, nó ó daoine? Aċt ṁeaḃruiġ siad-san eatorṫa féin, ag ráḋ:
26Má deinmíd: Ó neaṁ, déarfaiḋ sé linn: Cad ċuige, ar an aḋḃar sin, nár ċreid siḃ é? Aċt má deirimíd: Ó ḋaoine, tá eagla orainn roiṁ an tsluaġ; óir ḃí meas fáiḋ acu uilig ar Eoin.
27Agus d’ḟreagair siad Íosa, agus duḃairt: Ní ḟuil a ḟios againn. Agus duḃairt seisean leo: Agus ní innsim-se díḃ-se aċt a oiread cad é an t-uġdarás le n-a ndéanaim na neiṫe seo.
28Aċt cad é ḃur mbaraṁail? Ḃí ḋá ṁac ag duine áiriṫe, agus ṫáinic sé ċuig an ċéad ṁac, agus duḃairt: A ṁic, imṫiġ agus déan obair indiu i m’ḟíonġort.
29Aċt d’ḟreagair seisean, agus duḃairt: Ní raċaiḋ. Aċt ina ḋiaiḋ sin, ḃuail aiṫreaċas é, agus ċuaiḋ sé.
30Agus ag teaċt ċuig an ṁac eile dó, laḃaír sé leis ṁar an gcéadna. Agus d’ḟreagair seisean, agus duḃairt: Raċaiḋ mé, a Ṫiġearna. Agus ní ḋeaċaiḋ sé.
31Cé acu de’n ḃeirt a rinne toil a aṫar? Deir siad leis: An ċéad duine. Deir Íosa leo: Amén adeirim liḃ, raċaiḋ na puibliocánaig agus na méirdreaċa isteaċ i ríoġaċt Dé róṁaiḃ-se.
32Óir ṫáinic Eoin ċugaiḃ i sliġe na córa, agus níor ċreid siḃ é. Aċt ċreid na puibliocánaiġ agus na méirdreaċa é; agus giḋ go ḃfaca siḃ-se sin, ní ḋearna siḃ aiṫriġe ma ḋiaiḋ sin, ionnas go gcreideaḋ siḃ é.
33Éistigiḋ le fáiṫscéal eile: Ḃí fear tiġe ann a ċuir fíonġort,#Isaias 5, 1; Ier. 2, 21; Marc. 12, 1; Lúc. 20, 9. agus rinne sé fál timċeall air, agus ṫoċail sé fíon-ḟáisceán ann, agus ṫóg sé túr, agus ṡuiḋ sé le feirmeoirí é: agus d’imṫiġ sé féin ar an ċoigċríċ.
34Agus nuair a ḃí sé i ngiorraċt d’aimsir na dtoraḋ, ċuir sé a ṡeirḃísiġ ċuig na feirmeoirí go ḃfaġaḋ siad a ṫorṫa.
35Agus rug na femmeoirí ar a ṡeirḃísiġ, ḃuail siad duine acu, ṁarḃ siad duine eile, agus ċaiṫ siad cloċa ar ḋuine eile.
36Ċuir sé seirḃísiġ eile arís ní ḃa líonṁaire ná an ċéad ċuid, agus rinne siad mar an gcéadna leo.
37Aċt fá ḋeireaḋ ċuir sé a ṁac ċuca, ag ráḋ: Béiḋ urraim acu do mo ṁac.
38Aċt nuair a ċonnaic na feirmeoirí an mac, duḃairt siad eatorṫa féin: Is é seo an t-oiġre;#Eoin 11, 53. Taraigiḋ, marḃamaois é, agus béiḋ a oiġreaċt againn.
39Agus rug siad air, ṫeilg siad amaċ as an ḟíonġort é, agus ṁarḃ siad é.
40Dá ḃríġ sin, nuair a ṫiocfas tiġearna an ḟíonġuirt, cad é ḋéanḟas sé leis na feirmeoirí sin?
41Agus deir siad leis: Scriosfaiḋ sé go millteanaċ na droċ-ḋaome sin, agus suiḋfiḋ sé a ḟíonġort le feirmeoirí eile, a ḃéarḟas an toraḋ dó san tséasúr ċeart.
42Deir Íosa leo: Nár léiġ siḃ ariaṁ ins na Scrioptúirí:#Sailm 117, 22; Gníoṁ. 4, 11; Róṁ. 9, 33; 1 Pead. 2, 7. An ċloċ ar ḋiúltuiġ na saoir ċloiċe dí, tá cloċ ċoirnéil déanta dí? Is é an Tiġearna a rinne é sin, agus tá sé iongantaċ i n-ár súla.
43Ar an aḋḃar sin, deirim liḃ, bainfear ríoġaċt Dé uaiḃ-se, agus ḃéarfar í do ċineaḋ a ḃéarfas a toraḋ uaṫa.
44Agus an té a ṫuitfeas ar an ċloiċ seo, brisḟear é; agus an té ar a dtuitfiḋ sí, meilfiḋ sí é.
45Agus nuair a ċuala uaċtaráin na sagart agus na Fairisíniġ a ḟáiṫscéalta, ṫuig siad gurḃ orṫa féin a ḃí sé ag tráċt.
46Agus nuair a ṡanntuiġ siad breiṫ air, ḃí eagla orṫa roiṁ na sluaiġte, óir ḃí meas fáiḋ acu-san air.
Currently Selected:
Maitiú 21: ASN1943G
Highlight
Share
Copy
Want to have your highlights saved across all your devices? Sign up or sign in
rights held by the Bible Society in Northern Ireland
