Popular Bible Verses from Luke 10

Share

Tilo, au ne gaavadu gi goodou ssauaa e dagadagahi ai denga labodo hagammau ma manu manga lua gi lalo oodou vae, aama ssauaa e mmahi ange laa i ssauaa o de ia hagabaubau, gai e deai donu se mee daudahi e maua i de hagammae goodou.

Aagai Tagi Maolunga ne basa ange ga hai ange gi de ia, “Martha, Martha! Koe e manavasaa ma tee baba oo lodo i mee lagolago, aagai e dahi donu huu mee e heohi i de hai. Gai Mary gu hili de mee e kii ange tanuaa, gai e dee maua donu i de kave gee mai i ono daha.”

Taane laa ne hai ange gi de ia, “Koe gi aloha i TAGI MAOLUNGA doo Maadua i oo lodo alodahi, ma doo hagasaalunga alodahi, ma oo mahi alodahi, aama au maanadu alodahi. Gai koe gi aloha i tangada e baa adu gi de goe, bei doo aloha donu i de goe.”

Gai ia ne hai ange gi gilaadeu, “Gu laumalie mmao tau gai, gai gu sogoisi de gau hai hegau. Deenei ai, goodou dangidangi ange gi de Ia Aamua o tau gai, ia gi haia gi hulo de gau hai hegau gi dana dau gai.

Dee hee dau maanadu, goai i magavaa o denga daane dogodolu laa e baa ange gi taane ne daia laa e de gau gaiaa?” Tangada agoago o de hainga laa ne hai ange, “Go taane ne lodo aloha ange laa gi de ia.” Iesu ne hai ange gi de ia, “Hannoo ago ange i de ia.”

Goodou hulo! Tilo, au e hai goodou gi hulo bei dagodo o denga ssiibi gauligi i magavaa o denga wolf .