Popular Bible Verses from Luke 9

Share

Gai Iesu ne hai ange gi dangada alodahi, “Noo dahi dangada e lodo e daudali mai i de au, gai ia gi hagangadi mee ina ia, ga saabai dono laagau lui i laangi alodahi ga daudali mai ai i de au.

Gai be goai e lodo e hagaola dono mouli gai e tili donu, aagai be goai e tili dono mouli i ogu hiidinga gai e hagaola donu dono mouli.

Iesu ne hai ange gi de ia, “Tangada e boogia de mee hagabalabala gai ia ga huli dua e dee heohi ange gi de nohoanga hodooligi o de Maadua.”

Gai ni haigamaiana aha noo tangada e maua henua i lalo alodahi, gai ia e tili dono mouli?

Be goai e dogaa i de au ma agu muna, gai Tama a Tangada e dogaa naa hogi i de ia i dono masavaa e ahe mai ai ma dono mahamaha, ma de mahamaha o Tamana, aama de gau de langi dabu.

Iesu ne hai ange gi de ia, “Denga gaaduu de vao e hanu olaadeu haonga, gai denga manu llele e hanu olaadeu hoohanga, gai Tama a Tangada e deai donu se mommee e hagadagodo ange aagena dono biho.”

gai ia ga hai ange gi gilaadeu, “Be goai e abodonu ange gi tamaa gauligi nei i hiidinga dogu ingoo, e abodonu mai donu gi de au; gai be goai e abodonu mai gi de au, e abodonu ange donu gi de ia ne haia nei au gi humai. Go hiidinga be goai naa huu e maolalo i oodou magavaa alodahi gai go ia e maolunga.”