Popular Bible Verses from Luke 8

Share

Gai denga golee ne too ange laa gi honga de bela danuaa, go dangada e langona laa muna a de Maadua ga dugu i olaadeu lodo i de heohi ga daudali ai, gai gilaadeu gi lodo mmahi ga dae ai gi delaadeu hagadili hua.

Gai golee ne too ange laa gi magavaa manu daladala, go dangada ne langona laa muna nei, aagai ga hulo gee huu gilaadeu, gai muna laa gu haolia i denga maanadu hagamanavasaa, ma de lava, aama mee hagalodo danuaa alodahi o de mouli nei, gai olaadeu hua e dee maua gi maatua.

Aagai golee ne too ange laa gi de mommee haduhadua, go dangada e malangilangi laa i de kave muna a de Maadua, i de masavaa alaadeu ne langona ai, aagai e deai olaadeu aga. Gilaadeu ne hagadonusia i dahi damaa masavaa, aagai de masavaa huu o denga hagatale, gai gilaadeu gu aahe dua.

Ia ne hai ange hogi gi ana dangada agoago, “I hee ai oodou kai?” Gai gilaadeu gu llele mouli ma de maatagu ga hagataba i olaadeu magavaa, “Goai taane nei? Ia ne hagasee de madangi ma beau gai gilaau gu hagallongo ange gi de ia!”

Golee ne too ange laa gi gaogao de haiava, go dangada e langona laa muna nei; gai de ia hagabaubau laa ga humai ga kave gee muna laa i olaadeu lodo, gi dee hagadonusia ai e gilaadeu, gai gilaadeu gu hagamouli.

Mee alodahi e hagammuni e odi naa donu i de hagaago mai, aagai mee e dee iloo laa e odi naa i de hai ga iloo.

Gai ga gidee huu e de hine laa bolo ia gu dee maua i de mmuni, gai ia ga humai ma de bolebole ga duuduli i mada luu mada o Iesu ga tala ange gi de ia i madamada o dangada alodahi, de hiidinga aana ne poo ange ai ia, aama dono ieiangi i de masavaa laa donu huu. Aagai Iesu ga hai ange gi de ia, “Dagu damaa hine, doo gai gu hagaieiangi goe, hannoo i de baba.”

Gai ana dangada agoago ga loomai ga hhango ange ia, ga hai ange, “Tangada Aamua, Tangada Aamua! Gidaadeu ga maakau nei!” Aagai Iesu ga alahage ga hagasee de madangi mmahi ma denga beau; gai gu malino.