Popular Bible Verses from 1 Wakorintho 12

Share

Kila mundu wanahawogho ufunuo ghwa Roho kwa undu ghwa faida ya wose.

Ndamu inyo inyose ninyo muli ghwa Kristo, na kila mumoju ni kiungo chake.

Ilyi kiungo kimojori cha muli chasirima, viungo vose vasirimanya nacho; ilyi kiungo kimojori chaliko, viungo vose vaboelo.

Roho yanahawagha mundu mumoju kughora na suku na kwa mundu mzima Roho ulya mwenyi wamuhawa kughora kwa kumanya. Roho ulya mwenyi wamuhawa mundu mumoju idumusi na mzima wamuhawa ndighi zeboesa. Roho wanahawagha mundu mumoju ndighi zedea wana mwakilimbita, na mzima kughora ilagho lya Mlungu; na kwa mzima kumanya manosi ghefumagha kwa Roho na sighefumagha kwa Roho. Mundu mumoju wamuhawa udimo ghoghora kwa viteto vizima na mumoju wahawo udimo ghofasiri viteto.

Ela ni Roho ulya mwenyi mumojori uyu edeagha agha ghose selyi eshayagha, wamuhawa kila mundu inosi izima.

Kwa hung'u sikukalagha na kusarana kele muli, ela viungo vake vose vatunzana.

Kuwo na machumbano gha mbari za manosi gha roho, ela ghanafumagha kwa Roho ulya mwenyi. Kuwo na machumbano gha utumishi, ela etumikilogho ni Bwana mumojori. Kuwo na udimo ghuchumbane ghotumika, ela Mlungu ni ulya mwenyi afunyagha udimo kwa wose kwa utumishi ghwawe.

Kele ikanisa, Mlungu waika wose kele ulalo ghwake; kele ulalo ghwa hambiri watumo, kele ulalo ghwa kaili wana tondolo, na kele ulalo ghwa katatu walimu, nao walye wadeagha mwakilimbita, wekeirimiro ni walye weo na ndighi zeboesa makongo ango kuwarura wazima ango kuwalongoza ango kughora kwa viteto.

Kwani muli sighukalagha na kiungo kimojori sala vingi.

Kibalo chake, viungo vilya va muli vio vinyonge nivo sitedimagha kukala siteo navo

Ngera muli ghose gholuo iziso, ghosikilagha ije? Na ngera muli ghose gholuo kisikilo, ghonusagha ije? Ela selyi iwo, Mlungu wanaikile kila kiungo cha muli selyi eshaile chikale. Ngera muli ghose gholuo kiungo kimojori, kokalagha na muli ghungi?