Popular Bible Verses from 1 Wakorintho 13

Share

Mashayo ghanarumaghiagha na ghanakalagha na mbazi, Mashayo sighawesi iziso ango sighakuonagha ango kukukasa. Mashayo sighasowagha ishima ango kulola ghake ghenyi ango sighawasilogho kwa shoshowa, mashayo sighaikagha makosa.

Mashayo ghanarumaghiagha malagho ghose, ghanadumusagha ghose, ghanakosereagha na kurumaghia malagho ghose.

Mashayo sighaboelogho ni makosa, ela ghanaboelogho ni fulo.

Ndamu ghahangalika malagho matatu: idumusi, ikosereo na mashayo na kele agha matatu ibwaa lya ghose ni mashayo.

Mashayo sighawesi kudua. Ngera ni utondolo ghujeita, ngera ni manosi gheghora na viteto ghejeduwa, ngera ni kumanya kujeita.

Nadima kughora kwa viteto va wandu hata va wana malaika, ela ngera sewesi mashayo, nendekala sa ibamba lyililagha ango kizumanzi.

Nadima kukala na ndighi za utondolo: nadima kukala na kumanya kose na kutambukilo ni viviso vose; nadima kukala na idumusi lyose hata lyidimagha kuhamisa mighondi ela ngera nisewesi mashayo simi kindu chingi.

Nadima kuhawana vindu vose niwo navo, hata kufunya muli ghwangu ghuisho na moto, ela ngera sewesi mashayo, siyinifwanagha kindu chingi.

Ngelo neluo mwanake, neluo nikeghora sa mwanake, na neluo nikeghelela sa mwanake, na nikatambukilo sa mwanake. Nighenda nikala mundu mlanzi, nikasigha unake.