Popular Bible Verses from Марк 7

Share

Уымӕн ӕмӕ адӕймагӕн йӕ зӕрдӕйӕ цӕуынц фыдвӕндтӕ — давын, марын, бинойнагыл сайдӕй цӕуын; кӕрӕф, фыдӕх, мӕнгарддзинад, хъахбайдзинад, хахуыр, хирвӕссондзинад, ӕдылы митӕ. Уыцы ӕвзӕрдзинӕдтӕ иууылдӕр зӕрдӕйӕ рацӕуынц ӕмӕ уыдон фӕчъизи кӕнынц адӕймаджы».

Адӕймагӕн йӕ хуылфмӕ ӕддейӕ цы бацӕуы, уый йӕ нӕ фӕчъизи кӕны, фӕлӕ дзы ӕддӕмӕ цы рацӕуы, уый.

Йесо сын дзуапп радта: «Дыдзӕсгӕмттӕ, сымах тыххӕй пехуымпар Исайа хорз загъта. Йӕ чиныджы фыст ис: „Ацы адӕм Мын кад кӕнынц дзыхӕй, сӕ зӕрдӕ та дард у Мӕнӕй.

Дзӕгъӕлы Мӕм кувынц, уымӕн ӕмӕ, цы амонынц, уыдон адӕймаджы ӕрымысгӕ ӕгъдӕуттӕ сты“.

Сымах ныууагътат Хуыцауы фӕдзӕхст, адӕймаджы ӕрхъуыдыгонд ӕгъдӕуттыл та фидар хӕцут».