Popular Bible Verses from Mǒhtûlû̌hǎhtûsa 35

Share

Dě Cǒmaradû̌ hî̌ pô̤̌ lû̌û kû̌, “He mî̌ Cǒmara dǒ apô̤aphǎ tôpwa̤, phû̌ô̌wô̤̌li̤ô̌dû̌ lô̌khô dě ô̌wô̤̌ô̌dû̌htò̌ pû lô̌khô nî̌. He gǔ nohtûhtò̌ nakhlinalè tokhlǒ kû̌ khlilèphû̌dû̌ tôcǒ kû̌ khlilèphû̌ dû̌wî̤ khlilèphû̌ tokhlǒ pě. Dǒ nakhlinalè akla tokhlǒnu, a gǔ htûhtò̌ tû̌ khwǐcôphǎ tokhlǒ pě. Hǎkhû̌ dǒ he ǐ kû̌ PhaAbraha kû̌ PhaIsè̌ nî̌ he ǐ kû̌ na hǒ. Dě hǎkhû̌nu he gǔ ǐlò̤ pô̤̌ kû̌ nakhlinalè lò̤tutṳ̌ dǒ nakò nutokhlǒ pěpě.”

Htopědě pa cû̌ dǒ Wî̤̌betelǎ tǎ, dě he gǔ cû̌ bǎ ta̤tèhtò̌nǐ̤ ta̤lṳ̌htò̌wǎ̤ kû̌ lǒ̤ dǒ lǎ̤cabahtò̌ kû̌ Cǒmaradû̌ aya bǎnu pě, a mî̌ bǎ he tṳ̌bǎ kû̌ ta̤gû̌ta̤gè̌ akhanu a hî̌bǎ kû̌ he dě he cû̌tǒ̤ bǎtètè̌ bǎbǎ a cû̌cukhacu kû̌ he.”

Dě Cǒmaradû̌ hî̌ lû̌û kû̌, “Khònò̤̌, nami̤ kû̌ Khûya̤kò hò̌. Bǎbǎkǎlè pô̤̌ he hî̌ hto nanu, kòyò bǎ kaǎ pe nami̤ kû̌ Khûya̤kò tô̤̌. Kòyò bǎ kaǎ nami̤ kû̌ KhûIsôrěla pě.” Dě a pô̤kè lû̌mi̤ kû̌ KhûIsôrěla.

Pô̤̌nudě Phaya̤kò hî̌ ahǐphû̌phòphû̌ kû̌ kòyò dǒ a ô̌plǒ kû̌ lû̌û nu tokhlǒ kû̌, “Wîkèbò lô̌khô cǒmara ashǔshawa̤ ata̤yô̤ dǒ sî phî̌ǐ nutokhlǒ, ma̤mṳ̂̌plî sînǎ̤ dě sô̌htò̌ tèplè̌ lô̌khô sîjehǐyò̤̌ dǒ aplîbûsǔlǔ nutokhlǒ nî̌.

Yî̤khôtô̤̌ Cǒmaradû̌ hî̌ Phaya̤kò kû̌, “Hǎhtò̌cû̌mò̌ dǒ Wî̤̌betelǎ dě cû̌ô̌ lô̌khô bǎnu, dě cû̌tèhtò̌ma̤htò̌ ta̤lṳhtò̌wǎ̤ kû̌ lǒ̤ dǒ lǎ̤cabahtò̌ kû̌ he tôwǎ̤, ma̤titèhî̌dě he mî̌ Cǒmaradû̌ dǒ a ô̌lṳ̌htò̌ bǎ na bǎ na hǎhtò̌cû̌ ô̌û̌ nawè̤̌ PhaĚtò̌ alǎ̤ akhanu hǒ.”

Mǒ̤rakhîlǎ glè̌ si tètè̤̌ akhanu, a kaǎ aphû̌ kû̌ Khûbèò̌nǐ̤, bǎbǎkǎlè apha kaǎ lû̌mi̤ kû̌ Khûbîyame̤. (Bèò̌nǐ̤ yô̤̌sǎyô̤̌mû mî̌ phû̌khû dǒ he bǎ sǎplǎ̤sǎyṳ, bǎbǎkǎlè Bîjame̤ yô̤̌sǎyô̤̌mû mî̌ phû̌khû dǒ ahtû he cǔtômû.)