Popular Bible Verses from Maariko 12

Share

Yeesu ˆnaamusubhya ati, “Ekya okwamba ni kinu ati, ‘Abhaijirayeeri mwitegeereshe! Raatabhugenyi Nyamuwanga weeswe, niwe Raatabhugenyi omwene era. Yeenda Raatabhugenyi Nyamuwanga waawo ku-mutima gwawo gwone kutyo, ku-mwoyo gwawo gwone kutyo, ku-bhwiganiirisha bhwawo bhwone kutyo, na amanaga gaawo goone kutyo.’ Na ekya akabhiri ni kinu, ‘Wende omwikashaanya waawo, rwa kutyo owiiyenda omwene.’ Kitariwo kiraagiro ekindi ekinene okukira ebhibhiri bhiyo.”

Bhunu Yeesu ꞉aarorere gayo, ˆnaabhirikira abheeyigira bhaaye, ˆnaabhabhwira ati, “Kimari enibhabhwira ati, omukimari omutobhu unu, aasoosha yera nyafu okukira bhoone kutyo bhanu bhaasoosha. Enaaika kutyo kwa okubha abhandi bhoone kutyo bhaasoosha bhitooto era ku-bhiinu bhyebhwe ebhyafu. Nawe omugasi omukimari unu ku-bhutobhu bhwaye, aasoosha bhyone kutyo bhinu ari nabhyo.”

Yeesu ˆneekara ayeeyi na riisandiko rya okusoosisha-mo emigabho mw-iyekaru rya Nyamuwanga. ꞉Aariga ˆnaaringira kutyo abhaanu ꞉bhaariga mbatuura emigabho mw-isandiko. Abhaniibhi abhaafu ꞉bhaariga mbasoosha yera nyafu. ˆNaaja omugasi wumwi omukimari na ni mutobhu, woone ˆnaasoosha nchapa ebhiri era.

Na waaika ekimari ati, umwende mu-mutima gwawo gwone kutyo, obhwenge bhwawo bhwone kutyo, amanaga gaawo goone kutyo, na wende omwikashaanya waawo, rwa kutyo owiiyenda omwene. Gayo nigo amaragiriro amanene okukira okusoosha omugabho na ebhimweso bhyone kutyo.”

Yeesu ˆnaabhabhwira ati, “Ebhya Kayijaari muyaane Kayijaari, ebhya Nyamuwanga muyaane Nyamuwanga.” Mbamuruguura muno.