Popular Bible Verses from Maariko 13

Share

Abhaanu bhoone kutyo bharibhasoka, ku-nsonga yaani. Nawe, unu arisimbiira okuyikira ku-bhuteero, uyo niwe aryerusibhwa.”

Mmbe, mwikare mwiyangariiye! Mwituuye-wo, [musaasaamaga] kwa okubha mutakumenya akabhaga kayo, ati karibha-wo rusukuki.

Bhunu bharibhagwata okubhasira mu-mabharaja okubharamurira, mwasiga okwinyansha ati omuuja okwaika kiinuki. Ganu muriyaanwa mu-kabhaga kayokayo, nigo mwaike. Kimari mutaribha emwe bhanu muryaikaga, tari ni Mwoyo Omutaakatiifu unu ari mw-imwe.

Orwire na ekyaro bhiriyitiingʼana, nawe amangʼana gaani garirama kajaanende.”

“Nawe, atariwo omuunu unu amenyere orusuku amwi insa inu Omwana wa Nyamuwanga arisubha, bhatari bhaamaraayika bha mu-rwire amwi ati Omwana wa Nyamuwanga, bhoone kutyo bhatakumenya. Raata omwene era niwe amenyere.

Bhunu muryungwa amangʼana ga amaremo na amaremo agandi ganu ageenda okwamba, mwasiga okuubhaya. Gayo okubha-wo garibha-wo, nawe obhuteero bhwa amangʼana goone kutyo obhubha bhukyari.

Yeesu ˆnaagenderera okwaika ati, “Emwe mwone, mukyeshega obhwire, kwa okubha mutakumenya orusuku runu omwene nyumba arisubha. Mutakumenya ati arisubha iri keegoro, mu-bhwire agati, mu-ruguru, amwi ati bhukyeye. Mukyeshe obhwire, insonga mukataka era eejire, aasiga okubhanyoora muwongeeye. Rinu enibhabhwira emwe, niryo enibhwira na abhaanu abhandi bhoone kutyo ati, bhakyeshe obhwire.”

Ekyaro ekimwi, ekiija okurwana na ekindi, na obhukama obhumwi, obhuuja okurwana na obhundi. Injara, na gaanyamutikima garibha-wo mbaara nyafu egya ekyaro. Gayo goone kutyo agabha gari muna bhinyonyi era, ku-bhusungu bhwa omugasi unu keenda okwibhura.

Na eyeendwa Amangʼana Amajomu garaasibhwe okwamba mu-bhyaro bhyone kutyo.

Abhaanu bhaafu bhariija kw-isiina ryani, wumwiwumwi ˆnaaikaga ati, ‘Ni anye Kiriisitu!’ Abhaanu bhayo bharijimya bhaanu bhaafu.

“Mwiyangarire abheene, kwa okubha bharibhasira mu-mabharaja, na bharibhabhuma kubhiibhi mu-masunagoogi geebhwe. Bharibhasira ku-bhatungi na ku-bhakama, kwa okubha ati emwe muri bheeyigira bhaani. Mu-kabhaga kayo niwe murinyoora omwanya gwa okubhabhwira amangʼana gaani.

Bhariija abharagi abhabheeyi na abhaanu bhanu bhariiyaaikaga ati nibho Kiriisitu. Bharikora bhimenyegesho na ebhiruguusho, insonga bhabhajimye, bhaakatura bhajimye na abhasorwa bha Nyamuwanga.

“Mmbe, mu-nsiku giyo, bhunu iinyanko iyo iriwa, riisuubha ririsibhiirishwa nkibha kisuute, okwesi kutaribhara. Ginjota gyone girigwa ansi okusooka ku-rwire. Nyamuwanga arisingisha amanaga ga ku-rwire.