Popular Bible Verses from Sun 14

Share

Kana p'eln kam'i arna tamat katu kam'i tamatak. Natu si lera a kam'i inep'a nut m'ertu na nadep' avtaui inap'ei. Kam'i mavrn istu arna nlm'i kavdedrn.

A Iesu ivr ani, kavr ti a, “Kana nv'i navanel kav'i v'nen dau kav'i silv'ien. M'ertu kinkin ikahmk ikahma asn a Tetiak, ipavr ti ikap'lt m'a Kana.

Kam'i mavrn istu arna nlm'i. Ktvv'ah sarei Atua, v'eti pavv'ah Kana ml.

V'eti M'ertu ipasr lm'am'i, iv'i M'im'iln P'as, la a Tetiak ipatap'ei arna nahak ha. Hin ipav'iv'en si udlani a kam'i, kani ti pavv'ahur v'nen udlani nvr a kam'i.

M'ertu iuada v'nen huak kasapei, hin ilap'as a Kana. Laha, m'ertu ilap'as a Kana, a Tetiak ipalap'as ani. Kana p'elap'as ani kav'iv'en Kana asnn.”

Laha, Kana p'emiman an a Tatei, laha Hin ipatep'a M'ertu uraur ipasr lm'am'i a ti ipalak m'a kam'i dav'a ikahiris naran. Hin iv'i M'im'iln na v'nen dau. M'ertu na nadep' akavlav'i, sena ti ahavlei, ahavrndaui. V'eti kam'i kvrndaui, sena ti ilak m'a kam'i dav'a ipalak a nlm'i.

Si udlani pavmimani arna nahak, Kana p'en si lera, a ti Kana, nv'i a Natn Atua, p'ani ti nahan a Tatei ipav'a eia. Ipavr ti pavmiman si kinkin arna nahak, Kana p'ani.

Ipavr ti pavlap'as a Kana, pavsapa v'nen huak.

Al nmahan a Tetiak m'lna m'ertu istudau iter. Imvr ti imanap'i lera, m'tvr sarei a kam'i. Kana p'av'a a ti p'endedp' a m'lnam'i.

P'av'a kandedp' a m'lnam'i, sarei kadama ml kalev' kam'i a ti pavlak asnk, a ti kam'i pavlak asnk arna nut Kana p'elak

A Tumas ivr ani, kavr ti a, “Mlin, kam'em' navrndu nut Nakm pav'a. ?P'vrndu navanel ipanap'i?”