Popular Bible Verses from متّی 21

Share

جے تُہاݙا اِیمان ہوسی تاں جو کُجھ وی تُساں دُعا اِچ مَنگسو او تُہاکُوں مِلسی۔“

یِسُوع شاگِردئیں کُوں جواب ݙِتا، ”مَیں تُہاکُوں سچّ اَہداں جو جے تُساں اِیمان رکھو اَتے بے‌یقینے نہ تِھیوو تاں جیویں مَیں اِیں ہنجیر دے وَݨ نال کیتے تُساں وی اِیویں کر سڳسو بلکہ اِیں کنُوں وی وَدھ کر گھِنسو، جے اِیں پہاڑ کُوں آکھسو جو تُوں پٹیڄ کرائیں سمنُدر اِچ وَنڄ ڈھہہ تاں اِیویں ای تھیسی۔

اَتے بھِیڑ اُوندے اَڳوں اَتے پِچھُوں ٹُردی اَندی ہَئی او نعرے مَریندی اَتے اَہدی اَندی ہَئی، ”بادشاہ داؤد دے پُتر دی ہوشعنا یعنی حمد‌و‌ثنا؛ برکتیں آلا ہے جیرھا خُداوند دے ناں کنُوں اَندے؛ اَسمان اِچ خُدا دی ہوشعنا یعنی حمد‌و‌ثنا تِھیوے۔“

اَتے اُنہیں کُوں آکھیا”پاک کلام اِچ لِکھیا لاتھے، ’میݙا گھر، دُعا دا گھر اَکھویسی پَر تُساں اِینُکوں ڈاکُوئیں دا اڈّا بݨا ݙِتے۔‘“

”شہر صِیُون دے لوکیں کُوں جیرھے میݙے ٻالیں وانگوں ہِن آکھ، ’ݙیکھ تُہاݙا بادشاہ تُہاݙے کولھ اَندا پئے، او نرم طبیعت ہے اَتے ڳݙا اُتے ٻَہہ کرائیں اَندا پئے۔‘“

وَل یِسُوع اُنہیں کُوں آکھیا، ”کیا تُساں پاک کلام اِچ کݙاہیں نَئیِں پڑھیا، ’جیرھے پَتھر کُوں مسترئیں بیکار سمجھ کرائیں بُھکا سَٹیا اُوہو کونے آلا پَتھر بݨ ڳیا اَتے ایہ خُداوند وَلّوں تھِیا۔ اَتے ساݙی نِگاہ اِچ ایہ ٻَہُوں عجیب ہے؟‘

اِیں کیتے مَیں تُہاکُوں اَہداں جو خُدا دی بادشاہی تُہاݙے کنُوں گھِن کرائیں غیر قوم کُوں ݙے ݙِتی ویسی جیرھی اُونکُوں ویلے تے پَھل ݙیسی۔