Popular Bible Verses from SAN LUCAS 5

Share

Tejtzen tbaj xnakꞌtzanxin cye xjal, e xiꞌ tkbaꞌnxin te Simón: —Koꞌtzen. Kꞌinx barc maa jaaꞌ taꞌ nim t-xeeꞌ aꞌ, bix cyxooꞌnxsa cyxiyꞌpay tuj aꞌ, tuꞌntzen tjatz cyquis̈a―tz̈i Jesús.

Pero aj ttzakꞌbeꞌn Simón te Jesús: —Taat, ma tzꞌex cykil akꞌbil kquis̈ena, bix mintiiꞌ xjatz kuꞌna. Pero cꞌoquel ke ncꞌuꞌja tiꞌ tyola. Cxeꞌl kxooꞌna kxiyꞌpaya tuj aꞌ juntl maj―tz̈i Simón te Jesús. Bix e cuꞌx cykꞌoꞌnxin cyxiyꞌpaxin tuj aꞌ. Tej tjatz, nojnexsen tuya quis̈, ya nuk tuꞌn tel rotjtl cyxiyꞌpaxin.

E pon ke xjal te jyolte, pero at maj el lkꞌexin cyiꞌ xjal tuj jun lugar min-al xjal tuj, bix e naꞌnxin Dios.

Juꞌx xsunkej xjal aj il. Min o chin ula te cyej xjal mintiiꞌ cyil tuj cywitz tuꞌn tcyaj cykꞌoꞌn cyil, sino o chin ula te cyej xjal n-el cyniyꞌ tiꞌj aj ilke tuꞌn tul cyil tuj cycꞌuꞌj―tz̈i Jesús.

Tejtzen toc tcyeꞌyen Simón Pedro ti otk baj, e cubxsen majexin twitz Jesús, bix e xiꞌ tkbaꞌnxin: —Taat, ikch miꞌn tzaj lkꞌey wiꞌja, cuma aj il kena―tz̈i Pedro.

Bix e xiꞌ tkbaꞌn Jesús cyexin: —Kej xjal mintiiꞌ yabel cyiꞌj, mlay cheꞌx tuya kꞌanel. Ja tzunkej xjal yaab, il tiꞌj ncheꞌx tuya kꞌanel.

Bixsen e jatz cyiiꞌnxin cybarcxin tuj aꞌ bix e cyajke twitz txꞌotxꞌ, bix e cyaj cykꞌoꞌnxin cykilca, bixsen e xiꞌ cytzyuꞌnxin cyaakꞌenxin tuya Jesús.

At juntl kꞌij e pon Jesús tuj jun tnom. Bix attzen junxin xjal ncub tuꞌn jun yabel lepra tbi. Tejtzen toc tcyeꞌyen jxin yaab ja Jesús, e cubxsen majexin twitz Jesús, bix e xiꞌ tcubsaꞌnxin twitzxin: —Taat, n-el nniꞌya tiꞌja at tipemala tuꞌn tkꞌanena wiꞌja, ka baꞌn tuj twitza―tz̈i yaab. Bix e xiꞌ tnukpa Jesús tkꞌab tibaj yaab, bix oc tmocoꞌnxin, bix e xiꞌ tkbaꞌnxin: —Baꞌn tuj nwitza. Tuꞌn tel yabel tiꞌja―tz̈i Jesús. Bix tzinx yolen Jesús tej tel yabel tiꞌ xjal.

Pero amale otket tkba Jesús te yaab tuꞌn miꞌn baj ttxꞌolbaꞌn ka otk kꞌanj, pero elx tz̈it tpocbal tkꞌanbilxin. Tzajnexsen e tzaj lkꞌe nimxsen xjal tiꞌjxin te ebilte tyolxin bix tuꞌn cykꞌanj.