Popular Bible Verses from SAN LUCAS 6

Share

Ka ma chi xtalena cye xjal, jax chi xtalel ke xjal cyey. Cnool cypay cyuꞌn tuyaj baꞌn, bix cwelex cutzꞌet, bix cjawel tz̈tet, tuꞌntzen tcuꞌx nim tuj, hasta ojxe ttztꞌet. N-oc tcyeꞌyen Dios laꞌ ti cyey nxiꞌ cykꞌoꞌn cye xjal, bix ctkꞌaꞌ t-xel cyey―tz̈i Jesús cye t-xnakꞌatz.

Juꞌtzen japenina ke xjal. Kej xjal baꞌn chi binchal baꞌn, cuma tuj cyanem taꞌ baꞌn. Pero kej xjal yaaꞌn baꞌn, chi binchal kaꞌ, cuma tuj cyanem taꞌ kaꞌ. Tiꞌ yolen jun xjal tzin tyeecꞌan ti tten tuj tanem.

Pero weya, cxeꞌl nkbaꞌna cyey, il tiꞌj cꞌoquel cyakꞌ cyey kej xjal nchi kꞌojl cyiꞌja, amale miꞌnt tzꞌoc cyakꞌa cye. Bix il tiꞌj chi binchala jun baꞌn cye, amale miꞌnt cybincha jun baꞌn cyey. Bix il tiꞌj chi manala cyuya, amale miꞌnt cymana cyey te t-xel. Ka ma bint cyuꞌna juꞌwa, tkꞌaꞌ Dios nim t-xel te cyey, bix ejeeꞌ tzuna chi yecꞌlte kꞌiꞌntzen tnaabl jawnex Dios cyuꞌna, cuma ntzaj tkꞌoꞌn Dios t-xtalbil tibaj kej xjal kaꞌ bix min nchi kꞌon chjonte te.

Cꞌoquel cykꞌoꞌna lastim cye xjal, tisente Kman Dios nkꞌon lastim cyey.

Miꞌn chi yolena tiꞌ cyuyey, bix miꞌn cykbaꞌy kaꞌke cyuyey, cuma ka ma bint cyuꞌna juꞌwa, juꞌx pjel cyiꞌja. Pero ka ma cub cynajsaꞌna cyil ke cyuyey oc cybinchaꞌn cyiꞌja, jax cwel najset cyey cyil tuꞌn Dios.

Pero jatzen cyey, ejeeꞌy n-oc ebinte nyola, cxeꞌl nkbaꞌna cyey il tiꞌj cꞌoquel cyakꞌ cyey kej xjal nchi kꞌojl cyiꞌja. Cykꞌonx jun baꞌn te cyej n-el cyiiqꞌuen ejeeꞌy. Cykanenxa te Dios tuꞌn ttzaj tkꞌoꞌn xtalbil cyibaj kej nchi sbun cyiꞌja. Chi naꞌna Dios cyiꞌkej nchi yasen cyiꞌja.

Ka taja tuꞌn tbint jun baꞌn tey cyuꞌn xjal, tneel ctbinchay jun baꞌn cye.

Ka ma txiꞌ ttzꞌajen jun xjal tkꞌoꞌtxa, cxeꞌl tkꞌoꞌntla juntle tuꞌntzen t-xiꞌ ttzꞌajen. Ka ma tzꞌel tiiꞌn jun xjal tcapẍeyena, bix ka taj tuyax tcamisa, kꞌonxa te. Ka at jun xjal ma tkane jun tiixja tey, kꞌonxa te. Ka ma tzꞌel talkꞌaꞌn jun xjal tiꞌja, miꞌn cub ttzyuꞌna tuꞌn tel tiiꞌna te j-otk tzꞌel talkꞌaꞌn.

Jun tken loꞌpj baꞌn mlay takꞌ twitz yaaꞌn baꞌn. Jax juꞌx jun wik tzeeꞌ yaaꞌn baꞌn mlay takꞌ twitz baꞌn.

Qꞌuelel kniyꞌ tiꞌj ka baꞌn jun tzeeꞌ bix ka yaaꞌn baꞌn laꞌ tiiꞌn twitz. Mlay tzꞌel loꞌpj te higo tiꞌ jun tzeeꞌ at chꞌutel, bix jax juꞌx mlay tzꞌel loꞌpj te uva tiꞌ jun skman chꞌiꞌx.