Popular Bible Verses from Yohanes 14

Share

Henendawi anggin dugwit, henalon habuk. Henendawi ugun seyalek wadokdek adenggen dogovovok yiluk, okbigiluk layogon. It avakwa o wen vaga yoma agarwik en okbiselagwi hak, An anderogo okbigigaligadek. Ata, An nendawi ugun seyalek wadokdek adenggen agirik akoat okbigigaliga.”

Yugugu lagagimu, At Yesus en yugirigya dugwit, “Sup Ala adema laup inim, avyarat wene Ala avok yukheraliga inim, hiniluk okhinivisiga adem inim, andi An nadigat. At saen sup An vaga wagetek halok, An Nasin adema lasogom mondok dek.

Yugirigya lagagirik, Yesus en At ane welagwi menda wene ambi inim yugirigya dugwit, “Hit henendawi anggin dogobuk. Ala inim, An ninim, henendawi nenovaga vanggabaluk, avyarat ninumbutu dogones.

Ala Averiniki en hit yonggat-hinipu dogopwak yiluk, Nasin en An ninis vaga lakba wasogon akoen yi wene ndi wene ovok erogo mamulhirigya, eke, yi wene ndi wene yukhirigya lagagis ako hinunggut arugwi en yiluk, ovok erogo hinilup okbugugu, ogagya dogosogon.

“Ap ambi saen An nane, yerogo ogarup, nderogo ogarup, yukheraliga ako wokbaluk ogagya dogosogon halok andi, An endawi hunik okneraliga ako at andiat. Aren An endawi hunik oknitya halok andi, An Nasin en ap andi, endawi hunik ogagya dogosogon. Eke, An ogo, at endawi hunik ogagya dugwit, aren An neyapwak yiluk, inugirisogon o,” yiluk, yugeragagi.

Anderogo ogagusim, An Nasin nggino yugugu neyalok, Aren adik ambi, yonggat-hinipu dugwit hinim mondok dogopwak yiluk, lakba warisogon. At ako, Ala Averiniki en, avyarat wene Ala avok yukhirigya dogosogon. It o wen vaga yoma agarwik akoen Ala Averiniki inil hegetek inunggut atma, iren At eyave andi waup meyan. Anderogo ovara, hit halok andi, At hinim agarik, eke, hivis, henendawima dogosogon atma, eyave hinilup aro.”

Hiren An ninis vaga, ‘Anderogo okbininin o,’ yiluk, Ala nggino yugugu hiniselok, Abut An ogarimi vaga Nasin inis ombok arupwak yiluk, okbugugu neyagup. Ambi okbigigaup yiluk ninis vaga nggino yuknugu hiniselok, Anenat okbugugu neyagup,” yiluk, yugeragagi.

Yugirigya lagagirik, Yesus en ambi inim yugirigya dugwit, “Hit An henendawi hunik oknitu hiniselok, Anen, yerogo ogarup, nderogo ogarup, yukheraliga ako des erogo ogagu dogosogom.

An Nasin amwa andoma avakwa dogop wisane agarik atma. Anderogo dek duklipmu en, “Hit dogopim andoma An dikduk erogo bigigagiluk, landiga o,” yiluk, yukherelabuk.

An andi hit dogopim andoma dikduk erogo bigiga lagya dogomindik, hit An werekma andoma ninim dogoguluk, hivis hondokhinivi warugwis.

Yugirigya lagagimu, Tomas en, At yugugu dugwit, “Nasin, Hat layogonma andoma nit ninunggut atma, sup nit nggarogonggan en ninilup arumwi?”