Popular Bible Verses from Luuk 1

Share

Toro te Gooti tool buro'nyo buro'nyodeyo pun yo'mo kuudo sauro'ji tov kuvino yonekono.” Kuudokaikono.

Toro wuujuno sumaiyokwe Mariyav ensel toollu aro kuudokakwono. “Nuvu Aguto toolluro womdokwe to'migono. Toro te gumoro yogalo anyudumodo su tov nokwo anyumo'nono.” Kuudokakwono. Toro wuujuno sumaiyokwe ensel tool kuugollu'movokaikono.

Toro kuudoka tovi ensel tool aro kuudokaikono. “Gooti toolluro Kuullo tool nobagi'mowono'guugono. Toro bagi'mowo'ji Gooti Yiuwi'nokai Tonyu Uuwolo'mdowodo toolluro jurogudo tov gumi noborogurogumarono'guugono. Toro tovino tov kwolaiyo soma'bi tool Gooti toolluro kuunodo wimo'numwalonekono. Toro toolluno yovo puruv, Gooti toolluro Kwolaiyolo, dupinekono.

Mariyavoo, Aguto tool ensel toolluro mago tovi'aro gumi yogalo agudumoka tov kuvinono nogujumo'nonokwono. Aki guu ensel toolluro yogalo agudumoka su tovino kuudo kuubwemwakudo tovino tov Aguto tool sugudo bwotonyo tov nogubwemwalonekono.” Elisabetov toro kuudokakwono.

Neya duu'nono. Guvu gumoro sumwoluko tovi kwolaiyo pwol sumo'no'ji toollu nyoma'bino'guugono. Kwolaiyo soma'bi su toolluno yovo tov Jisasolo yowa'binekono. Aki Kwolaiyo su tool aguto imo'nonekono. Aki toro toolluno yovo puruv aro wuudupinekono, Gooti Yiuwi'nokai Tonyu Uuwolo'mdowodo toolluro Kwolaiyolo, dupinekono. Gooti Aguto tool Kwolaiyo su toollu gami jukweyago aguto kig Devitolluro mido mollomwalo tov nuubweyonekono. Toro tool yiuwi'nokai Jekoopolluro iko tovasuda'ai a'mwo abolo tonyu mido momjomwekovlawonekono. Aki aguto kig toolluro mido mollomwalo su tov maduuwiyopiyowo'ji yiunokuudo mujo'movla'mwalonokwono.” Ensel tool toro kuudokaikono.

Toro yourukwapiyoduke tovi ensel tool aro kuudokaikono. “Mariyavoo, guu luko mibinono. Gooti tool gumino ilaiyo bwotonyo amagujadopiyo.