Popular Bible Verses from लुका 7

Share

या हाइपालि एसा पाहि दोअ्‌तेङ का नासेहेङ दोअ्‌खा, याको हेन्‍जाङ कुकरमिगेलाइ माफ जेङलिदोहोइ। इङकोखातिर या कासेहेङ हेन्‍जा माया तिम्‍पाहि। आतुइसा कुकरम माफ जेङका द्‌याङ आतुइसा माया पाखे।” कालाउ इसु इङको बेबालहेङ दोअ्‌हि, “नाङको कुकरम माफ जेङलि दोहोइ।”

इसु इङको बेबालहेङ दोअ्‌हि, “नाङको खान्‍धुरसो नासेहेङ बान्‍चेपाहि। एला सुबिस्‍तासो हाने।”

वा न्‍हुअ्‌पाहासो लोतेङ इसुको खोकोइ भेर्पा जाअ्‌तेङ खारलि तेङहि रो मिसिय्हाँसो ह्‍याअ्‌का मितिसो इसुको खोकोइ झापिहि। कालाउ वाको खोकोइ ताइको पुसिङहोइ योअ्‌तेङ चुमाइतेङ आतर होपिहि।

का ताइमिङ बुङ नाङको भेर्पा लोलि सोबाइका मान्‍थुघा। कालाउ ना हुकुम खिनिङ पि, काङको कामत्‍या एलावा। का ताइमि बुङ बारा हाकिमगेलाइको बसता हिखा। काङको बसता बुङ पलटन हिखे। एमिहेङ ‘हाने’ दोअ्‌खा वा हानेखे, भेनाङहेङ ‘लोउ’ दोअ्‌खा वा लोखे। कालाउ ताइको कामत्‍याहेङ बुङ ‘एसा पा’ दोअ्‌खा वा एन्‍साङ पाखे।” इदोइ काथा हिङतेङ इसु भारभुसाइहि कालाउ ताइमिहेङ पिताइका द्‌याङगेलाइको हुलभारि खाङतेङ वा दोअ्‌हि, “का नेलाइहेङ दोअ्‌ताङका, इङको झोको बारा खान्‍धुर पाका द्‌याङ ते का इस्राएलिगेलाइको माझाता बुङ निङनाङ मान्‍थुघा।”

इङकोङ बेला इसु हेन्‍जा द्‌याङगेलाको रोग बिमारगेलाइ रो मासान खोअ्‌कालाइहेङ एल्‍पाहि। हेन्‍जा मिँ मातिङकालाइ बुङ तिङलि दोअ्‌का जेङहि। इसु युहन्‍नाको चात्‍यागेलाइहेङ दोअ्‌हि, “नेलाइ जेदोङ तिङका रो हिङका हिसुन्‍हा हानेतेङ इङकोङ काथा दोङ युहन्‍नाहेङ दोअ्‌पिसु: मिँ मातिङकालाइ तिङलिदोहि, तेलि मादोकालाइ तेलिदोहि, रोग्‍यागेलाइ सुचि जेङदोङ खे, न्‍हातोङ माहिङकालाइ हिङलिदोहि, सिकालाइ सिन्‍हुदोङखे रो पिर गरिबगेलाइ परमेस्‍वरको रेम्‍काबानाल हिङलि निङदोङखे।