Popular Bible Verses from लुका 8

Share

रेम्‍का भोनोता बिअ्‌न्‍हाका चालाइ ते एम्‍बालाइ जाइ कथन हिङखे रो हुकुमकारि जेङतेङ हिङका कथनहेङ रेम्‍फा पातेङ मनता ताअ्‌खे कालाउ बेलाता हेन्‍जाङ फल सेपाखे।”

चुइको झालासता बिअ्‌न्‍हाका चालाइते एम्‍बालाइ, जाइ परमेस्‍वरको कथन हिङनुते हिङखे, कालाउ दुनियाको सुर्ता, टाका काउरि रो सुख निङतेङ खान्‍धुरहेङ बारालि दोङ मापिखे। कालाउ एम्‍बालाइसो हाइ बुङ फलपाको मासेखे।

उन्‍ठुइहिका भोनोइता हुल्‍का चालाइ दोअ्‌का एम्‍बालाइ परमेस्‍वरको कथन हिङतेङ लेङचातेङ र्‍हुखे। कालाउ इङको कथन मनता ताअ्‌लि मादोखे। एन्‍सा जेङलाउ एम्‍बालाइको खान्‍धुर एघुरिङको भाअ्‌सिङ खिनिङ जेङखे कालाउ मुस्‍किल रो तुता खान्‍धुर राम्‍खे।

इसु चात्‍यागेलाइहेङ दोअ्‌हि, “खोइ नेलाइको खान्‍धुर?” वाको सरबङ तिङतेङ एम्‍बालाइ भारभुसाइहि रो थिहि। कालाउ ताताइमिताङ काथा पालि तेङहि, “या हासु? वा हाकाराइलाउ ते लहर रो दुम्‍भेर्मा बुङ वाको हुकुमहेङ मानेखे।”

दामाता हुल्‍का चालाइ एम्‍बालाइ जाइ कथन हिङनु ते हिङखे मनता ताअ्‌लि मादोखे। हाइदोनु खान्‍धुर पातेङ बान्‍चेलि मानिनाको दोअ्‌तेङ दियाबलस लोखे कालाउ एम्‍बालाइको कथन चुमपुखे।

एसाङ पातेङ म्‍होअ्‌तेङ ताअ्‌का काथा जेथे हि इङको गोताङ रेम्‍फा ग्‍यावा। कालाउ गेलि मादोका काथा जेथे हि, इङको गोताङ हेतेङ झाराङ ग्‍यावा।

एला म्‍होतेङहिलि माज्‍याङ दोअ्‌का गेतेङ इङको बेबाल थितेङ फिरतेङ लोहि रो वाको खोकोइता तुघुरहि। कालाउ वा इसुहेङ साइका रो साइतेङसाङ एल्‍का काथा झाराङको आगाता दोअ्‌हि। इसु वासेहेङ दोअ्‌हि, “चामिन्‍दि, नाङको खान्‍धुरसो ना एलन्‍हा, एला सुबिस्‍तासो हाने।”

एन्‍सा जेङलाउ चात्‍यागेलाइ लोतेङ इसुहेङ ल्‍होपातेङ दोअ्‌लि तेङहि, “मास्‍टर, मास्‍टर, केलाइ ते सिलि तोमन्‍हाहोइ।” इङको हिङतेङ इसु ल्‍होहि रो दुमभेर्मा हेङ हाकाराइहि। ओदोङघरि दुम्‍भेर्मा गोतातेङ चिको लहर बुङ गाङहि।