Popular Bible Verses from Ibyakozwe n'Intumwa 2

Share

Petero arababwira ati: “Nimwihane buri wese abatizwe mu izina rya Yezu Kristo, kugira ngo mubabarirwe ibyaha. Ni bwo Imana izabaha impano, ari yo Mwuka Muziranenge.

Bakomezaga kwita ku nyigisho z'Intumwa, bagashyira hamwe, bakamanyura umugati kandi bagasenga.

Bose buzuzwa Mwuka Muziranenge, batangira kuvuga izindi ndimi nk'uko Mwuka abahaye kuzivuga.

Nuko umuriri ubatungura uvuye mu ijuru umeze nk'umuyaga w'ishuheri, wuzura inzu yose bari bicayemo. Haboneka indimi zisa n'ibirimi by'umuriro zibajyaho, rumwe ku muntu urundi ku wundi, bityo bityo. Bose buzuzwa Mwuka Muziranenge, batangira kuvuga izindi ndimi nk'uko Mwuka abahaye kuzivuga.

Iminsi yose bagiraga umwete wo guteranira mu rugo rw'Ingoro y'Imana bahuje umutima, no gusangirira mu ngo bya kivandimwe. Uko basangiraga babaga bafite ibyishimo bicisha bugufi, bahimbaza Imana kandi bashimwa n'abantu bose. Uko bukeye Nyagasani akungura umubare w'abagenda bakizwa.

ngo Imana iravuga iti: ‘Mu minsi y'imperuka nzasuka Mwuka wanjye ku bantu bose, abahungu n'abakobwa banyu bazahanura, abasore banyu bazagira iyerekwa, abasaza bo muri mwe bazabonekerwa mu nzozi.

Abemeraga Yezu bose babaga hamwe bafatanya byose. Bagurishaga amasambu yabo n'ibindi bintu bari batunze, bakagabana ibiguzi bavanyemo bakurikije ubukene bwa buri wese.

Umuntu wese uzatakambira Nyagasani azakizwa.’

Izuba rizijima, ukwezi kuzasa n'amaraso, umunsi wa Nyagasani uzaba utaragera, wa munsi ukomeye w'akataraboneka.