Popular Bible Verses from Iwinna 4

Share

Obọ ẹre ọkpa ọre a la miẹn imiẹnfan rhunmwuda eni ọvbehe i rrọọ, vbe agbọn na, ne Osanobua rhie ne emwa wẹ a gha lae miẹn imiẹnfan.”

Ugbẹn vbe iran ghi na erhunmwu nẹ, otọe keghi mu rueghe vbe ehe ne iran ye, iran hia keghi vuọn ne Orhiọn Ne Ọ Huanrẹn, iran keghi ya gha kpe orhu ẹmwẹ Osanobua vbe ne a i na fian afianma.

Wanwan na nian Nọyaẹnmwa, ghe vbene iran yan hẹẹ, rhie ẹtin ne ima ne eguọmwadia ruẹ, ne ima sẹtin gha kpe orhu ẹmwẹ ruẹn vbe ne a i na fian afianma.

Jesu na ọre ebe ta ẹmwẹ ọnrẹn wẹẹ, “ ‘Okuta ne uwa ni bọ owa wẹ, ẹ i maa do khian okuta a ma miẹn a i ru.’

Unu keghi mobọ yan emwa ni rre Iko nii vbe iran miẹn vbene Pita kevbe Jọn din hẹ, sẹe hia vbe iran ghi vbe do rẹn wẹ emwa kẹkan ni ma ruẹ ebe ọre iran khin. Ẹkpo nii ọre iran na do yerre wẹ Jesu ọre iran ka gha lele khian.

Otu iran ni yayi keghi gha rrọọ vbe ekhọe ọkpa kevbe orhiọn ọkpa. Arhiọnkpa ne ọ vbe tie emwi ne ọ mwẹ ọghe obọ ẹre, ẹ i rrọọ. Iran hia ghi gha gba ghae emwi ne iran mwẹ, ọ gba obọ.