Popular Bible Verses from Iwinna 5

Share

Pita kevbe avbe ukọ nekpa wanniẹn wẹẹ, “Ne Osa khare ọre ima ra ya ru emwi ighẹ ẹ i re ne emwi ne agbọn khare.

Iran kegha yo Ọgua Osa ugbugbẹhia. iran keghi vbe gha ya dọmwadẹ owa ya gha ma emwa emwi kevbe ne iran gha kpe orhu Iyẹn Ne ọ maa ọghe Jesu ne Mẹzaia.

Pita keghi tama rẹn wẹẹ, “Ananaias, vbe u a rhie otọ ne Setan ya hin yan orhiọn ruẹn hẹ yi, ne ọ na wẹ ne u do ta ohoghe ma Orhiọn Ne Ọ Huanrẹn, ne u na fian obọkpa rhie hin rre Vbe igho ne u khiẹn emwi ne u mwẹ re? Ẹghẹ ne u ma na he khiẹn emwi ni, wẹ ọre ọ yan rẹn. Ugbẹn vbe u vbe khiẹn ọẹn nẹ, wẹ ọ ye vbe yan rẹn. Vbe ekhọe ruẹ ghi na gue zẹ iro hẹ yi ne u ru egbe emwi vbe nian? Ẹre ọmwa ne agbọn ọre u ta ohoghe ma, Osanobua ọre u ta ohoghe ma.” Ananaias ghi wa họn ẹmwẹ na, ọ degbe otọ, ọ keghi wu. Ikponi keghi rhọ ku emwa hia ni họn ẹmwẹ na.

Vbe ọghe ne a ye na nian, I gha tama uwa wẹ ne uwa ghẹ ru iran na emwi rhọkpa. Wa sẹ iran rae rhunmwuda, deghẹ emwamwa kevbe iwinna iran na ighẹ ọtọn otọ rre ọghe ọmwa ne agbọn nọ, te ọ ra vbe wiẹghẹ ua. Sokpan, ọ gha re emwi ne ọ ke obọ Osanobua rre nọ, obọ uwa i sẹtin ke okhunmwu ne iran. Ne a ghẹ miẹn wẹ, te uwa ghi mu aro igbinna da Osanobua.” Iko ni keghi wa rhie ude ne Gamaliẹl buru.