Popular Bible Verses from मरकुस 6

Share

तब यीशु न ऊंकू बोलि, “मेरा दगड़ा मा एक शान्त जगा कू चला, अर थुड़ी देर आराम करिल्या।” अर यीशु न इन इलै बोलि, किलैकि भौत सा लोग ऊंका पास औणा-जाणा छा, अर ऊंतैं खाणु-खाण को भि बगत नि मिलणु छौ।

अर यीशु न ऊंकू बोलि, “एक रैबर्या तैं अपणा घौर अर रिश्तेदार, अर अपणा मुलक का अलावा हरेक जगा आदर-सम्मान मिलदु।”

अर जब यीशु छाला पर पौंछी त वेन एक बड़ी भीड़ देखि, अर वेतैं ऊं पर बड़ु तरस ऐ, अर वु त ऊं भेड़ों का जन छा जौं को कुई सैं गुसैं नि होन्दु। अर तब यीशु ऊंतैं भौत सि बात सिखौण लगि गै।

अर ऊंन वेतैं स्वीकार नि कैरी, इलै यीशु न उखा कुछ बिमारों पर हाथ रखी के ऊंतैं खूब कैरी, अर येका अलावा वु कुछ भि अदभुत काम नि कैर पै। अर बिस्वास नि करण की बात तैं देखि के यीशु तैं ऊं पर बड़ु ताजुब ह्‍वे। फिर उ गौं-गौं मा जैके के उपदेस देण लगि गै।

तब यीशु न पांच रुट्‍टी अर दुई माछों तैं लेई, अर स्वर्ग जनै देखि के परमेस्वर को धन्यवाद देई, अर रुट्‍टी तोड़ि-तोड़ि के चेलों तैं दिनी, ताकि वु लोग कू परोसा। अर ठिक उन्‍नि वेन दुई माछा भि ऊं सभ्यों मा बांटि दिनी। अर सब लोग खै के छक ह्‍वे गैनी। रुट्‍टी अर माछों का जु टुकड़ा बचि गै छा, ऊंतैं चेलों न बटोळि, अर बारह कण्डो तैं भोरी के उठे।