Popular Bible Verses from ลามูลา 35

Share

ตูฮัด มือเลา ฌางัน ญา จะ_ “กู นี เลอ_ ฌาดี ตูฮัด นู มือฆัฮ. เกา นะ บือเลฮ อานะ จูจู บาญะ_ นะ บือตามัฮ บาญะ ซูโงฮ. บือแนฮ นะ เกา_ นะ ฌาดี ซา บักซา ซือตืองัฮ_ นะ ฌาดี บาญะ บักซา ซือตืองัฮ_ นะ ฌาดี ราฌา ฌูฆา. ตือปัจ ตานัฮ อีนี_ นู กู บรี กะ อับราฮัม_ ฌางัน อีซัก ดัฮ เตอ_ กู นะ บรี กะ เกา ฌูฆา_ นะ บรี กะ บือแนฮ นะ เกา_ ตูโรด มือนูโรด ซือมูฮา” ตูฮัด ญา จะ.

บรี กีตา ปี กะ ตูโปะ เบดเอน_ บรี กู นะ บูวัจ ตือปัจ มือญือมัฮ กะ ตูฮัด เดะ อาตัซ. เดะ อารี อีตู_ นู กู ซูซัฮ ฮาตี โตระ_ ตูฮัด ตีกัฮ กะ กู ดัฮ. กู บือเลฮ ปี โซะ ดีฮา โปด_ ญา เลอ_ บือเลฮ ปี บือซามา ฌางัน กู ดัฮ”_ ญา จะ.

มือเลา จะ_ “เกา อาดา ปือนามา จะ ยาโกบ_ ตาปี ตะเดะ อีนี_ กูญา นะ เตด ซือโบจ ปือนามา นะ เกา จะ_ ยาโกบ_ ตาปี กูญา นะ บลาโลก เกา ปือนามา อาซิก จะ_ อิซราเอน.” กะฆีเตอ_ ยาโกบ อาดา ปือนามา จะ_ อิซราเอน.

กะฆีเตอ_ ยาโกบ มือเลา ฌางัน ลูมอฮ นะบรานะ นะ ญา_ ฌางัน ลูมอฮ ซือมียา นู ดูโดะ บือซามา ฌางัน ญา จะ_ “กาเญา กือนา ตีงัน บูวัก เลอ_ โกะ บราลา นะ บักซา อาซิก_ นู กาเญา อาดา. กือนา บาโซฮ ญาวา ตะอาซิก_ บรี จรัฮ บาฌิ. กือนา ซาเลด กาเยด บาฌู นะ กาเญา เลอ.

ตูฮัด เดะ อาตัซ มือเลา ฌางัน ยาโกบ จะ_ “บีกัซ เลอ_ บาลิ ปี กะ ตูโปะ เบดเอน_ ดูโดะ ปัจ อีตู เลอ. โซะ อีตู_ เกา กือนา บูวัจ ตือปัจ มือญือมัฮ กะ ตูฮัด_ นู ปลีฮัจ กะ เกา_ วะตู เกา ลารี เดะ เอซาว_ กากา เดะ เกา”_ ตูฮัด ญา จะ.

ตานา ราเชน นะ ฮาบิฮ ญาวา_ (ซาเบะ ญา รอจ วะตู นะ มาตี)_ ญา บลาโลก ปือนามา นานะ อีตู จะ เบนโอนี. ตาปี ปะ เดะ ญา_ ตืองะ ปือนามา นะ นานะ อีตู จะ_ เบนยามิน.