Popular Bible Verses from نامۀ اَوَل وَ کِلیسِی قُرَنتُس 1

Share

امّا خدا اوچیئی نَه که مِنِه دنیا نایونی یَه، انتخاب کِه تا حَکیمَلَه شَرمُندَه کِنِه؛ خدا اوچیئی نَه که مِنِه دنیا ضعیفِه، انتخاب کِه تا زوردارَلَه شَرمُندَه کِنِه؛

سی‌یِکِه پِیومِ صلیب سی اونگَلی که ایرَن وَ رَه نابودی، نایونی یَه، امّا سی ایما که مِنِه رَه نجاتیم قدرتِ خدایَه.

سی‌یِکِه اوچیئی که دَرموردِ خدا نایونی وَ حساب ایا وَ حکمتِ آیَمَل حکیمانَه‌تَرِه، وِ ضعفِ خدا وَ قدرتِ آیَمَل زوردارتَرِه.

وَفادارِه خِدایی که ایشا نَه خُوندِه سی رفیقی بِی کِرِش، خداوند ایما عیسی مسیح.

ای کَکایَل، وَ نومِ خداوند ایما عیسی مسیح وَتون تمنا دارُم که بِی یَک یِه‌دل بِیت وِ مابینِتون تَرفَقَه نَبو. بلکَم هم مِنِه فکر وِ هم مِنِه رأی یِکی بِیت.

حکیم کوچِنِه؟ معلمِ تورات کوچِنِه؟ اونگَلی که دَرموردِ ای زَمونَه نظر اییِن کوچِنِن؟ مِی خدا حکمتِ دنیا نَه نایونی نَکِردِه؟