Popular Bible Verses from نامۀ اَوَل وَ کِلیسِی قُرَنتُس 2

Share

امّا، هَموطو که مِنِه کتابِ اشعیایِ پیغمبر نِوشتَه وابی‌یِه: «اوچیئی نَه که هیچ تییَه‌ای نَدییِه، هیچ گوشی نَشنُفتِه، وُ وَ فِکرِ هیچ بشری نَرَسییِه، خدا سی دوسدارَلِ خُوش آمایَه کِردِه.»

آیَمِ نفسانی کارَلِ مربوط وَ روحِ خدا نَه قبول نیکِنِه سی‌یِکِه وَ نظرِش نایونی یَه، وُ وِّ نیتَرِه بِفَمِشون، سی‌یِکِه تِنا بِی فهمِ روحانی ایابو دِرِسی اونگَلَه فَمی.

خدا ای چییَلَه وَ وسیلۀ روحِ خُوش وَ ایما آشکار کِردِه. سی‌یِکِه روحِ خدا هَمَه چی نَه ایجورِه، حتی عُمقَلِ خدا نَه هَم.

ایسو ایما نَه روحِ ای دنیا، بلکم روحی نَه جُسیمِه که وَ خدایَه تا اوچییَلی نَه که خدا بِی دَسِ‌دلوازی وَمون عطا کِردِه، بِفَمیم.

وِ موعظه وِ پِیومِ خِمَه بِی گَپلِ قانع کنندۀ حکمتِ دنیا سیتون نَگُتُم، بلکَم بِی دلیل روح‌القدس وِ قدرتِ خدا گُتُم. تا ایمون ایشا، نَه وَ حکمتِ آیَمَل، بلکم وَ ری قدرتِ خدا بو.