Popular Bible Verses from نامۀ اَوَل وَ کِلیسِی قُرَنتُس 3

Share

مَه نُونیت که معبدِ خدایِیت وِ روحِ خدا مِنِه ایشا منزل کِردِه؟

سی‌یِکِه هیشکَه نیتَرِه غیرَ او پی‌یَه که نَهایَه وابی‌یِه، پی‌یَه‌ای دَ بِنِه، وِ او پی‌یَه هَمو عیسی مسیح یَه.

پَ نَه وِّ که ایکارِه چیئی یَه وِ نَه وِّ که اُو اییِه، بلکم تِنا خدایَه که وِه نَه سُوز ایکِنِه.

سی‌یِکِه ایما هُمکارَلِ خدایِیم. ایشا زمینِ کشتِ‌کارِ خدا، عِمارتِ خدایِیت.

کارِ هرکه دیاری ایابو، سی‌یِکِه او "روز" هَمَه چی نَه آشکار ایکِنِه. سی‌یِکِه تَش نتیجۀ کارَ دیاری ایکِنِه، دِرِسی کارِ هَرکه نَه امتحان ایکِنِه.

وِّ که ایکارِه وُ وِّ که اُو اییِه، هر دِتاشون یکی یَن وِ هر کویَکی وَ قَدِ زحمتی که ایکَشِن، مِز ایگِرِن.

خِتونَه گول مَزَنیت. اَر یکی وَ ایشا خِشَه بِی قیاسَلِ ای زَمون حکیم دونِه، سی‌یِکِه حکیم بو، بایِس نایون وابو.