نامۀ اَوَل وَ کِلیسِی قُرَنتُس 3
3
تَرفَقَه مِنِه کلیسا
1امّا مو، ای کَکایَل نَتَرِسُم بِی ایشا مِی آیَمَلِ روحانی گَپ بِزَنُم بلکم مِی آیَمَلِ جسمانی، مِی کَسَلی که مِنِه مسیح، طفلِ کُشکِلویَن. 2مِ وَ ایشا شیر دام نَه گوشت، سییِکِه آمادِهای وِه نَه نَیاشتیت وِ هَنی هَم نَیاریت، 3سییِکِه هَنی هَم جسمانی یِیت. وختی مابینِ ایشا حَسودی وِ جَرِمِرافَه هِسی، مَه یِنَه نِشون نییِه که جسمانی یِیت وُ وَ رَه بَشری رفتار ایکِنیت؟ 4سییِکِه وختی یکی ایگُ: «مِ این پولُسُم» وِ یکیدَه ایگُ: «مِ این آپولُسُم» مَه نَه مِی باقیِ آیَمَلیت؟
5مِی آپولُس کیَه؟ پولُس کیَه؟ اونگَل خادِمَلی یَن که خدا وَ هَر کویَکی وظیفهای دایِه تا ایشا وَ واسطۀ اونگَل ایمون بیاریت. 6مِ تیمَه کاشتم، آپولُس اُویَش دا، امّا یِه خدا بی که سُوزِش کِه. 7پَ نَه وِّ که ایکارِه چیئی یَه وِ نَه وِّ که اُو اییِه، بلکم تِنا خدایَه که وِه نَه سُوز ایکِنِه. 8وِّ که ایکارِه وُ وِّ که اُو اییِه، هر دِتاشون یکی یَن وِ هر کویَکی وَ قَدِ زحمتی که ایکَشِن، مِز ایگِرِن. 9سییِکِه ایما هُمکارَلِ خدایِیم. ایشا زمینِ کشتِکارِ خدا، عِمارتِ خدایِیت.
10بِی فیضی که خدا وَ مِ دایِه، مِی معمارِ کاربَلدی پییَه نَهام وِ یِکیدَه وَ ری او پییَه، عمارت ایسازِه. هرکه باید حَواسِش بو که چطو ایسازِه. 11سییِکِه هیشکَه نیتَرِه غیرَ او پییَه که نَهایَه وابییِه، پییَهای دَ بِنِه، وِ او پییَه هَمو عیسی مسیح یَه. 12ایسو اَر کسی وَ ری ای پییَه عمارتی بِسازِه وَ طِلا یا نقرَه یا بَردَلِ قیمتی یا چو یا علف یا کَه، 13کارِ هرکه دیاری ایابو، سییِکِه او "روز" هَمَه چی نَه آشکار ایکِنِه. سییِکِه تَش نتیجۀ کارَ دیاری ایکِنِه، دِرِسی کارِ هَرکه نَه امتحان ایکِنِه. 14اَر چیئی که کسی وَ ری او پییَه نَهایِه، وَجا وِیسِه، وِّ پاداشِ خِشَه ایگِرِه. 15امّا اَر کارِ کسی تَش بِگِرِه، ضرر ایکِنِه؛ وِ هَرچَن خُوش نجات ایجورِه، امّا مِی کسی ایابو که وَ مابینِ بِرازِهیَلِ تَش دَرَتَه بو.
16مَه نُونیت که معبدِ خدایِیت وِ روحِ خدا مِنِه ایشا منزل کِردِه؟ 17اَر کسی معبدِ خدا نَه خراب کِنِه، خدا وِّ نَه نابود ایکِنِه؛ سییِکِه معبدِ خدا مقدّسِه وِ ایشا او معبدیت.
18خِتونَه گول مَزَنیت. اَر یکی وَ ایشا خِشَه بِی قیاسَلِ ای زَمون حکیم دونِه، سییِکِه حکیم بو، بایِس نایون وابو. 19سییِکِه حکمتِ ای دنیا مِنِه نظرِ خدا نایونی یَه. هَموطو که مِنِه کتابِ ایوب نوشتَه وابییِه: «حَکیمَلَه بِی فَنِ خِشون گرفتار ایکِنِه.» 20وِ اُمبِلا مِنِه کتابِ مزمور نوشتَه وابییِه: «خداوند وَ فِکرَلِ حکیمَل آگا یَه وِ دونِه که اونگَل بیخود وُ باطلِن.» 21پَ دَ کسی وَ آیَمَل نَبالِه. سییِکِه هَمَه چی این ایشانِه، 22چه پولُس، چه آپولُس، چه کیفا، چه دنیا، چه زِندِیی، چه مرگ، چه زمونِ حال وِ چه زمونِ آیندَه، تَمومِ اینگَل این ایشانِه 23وِ ایشا این مسیح یِیت وِ مسیح این خدایَه.
Currently Selected:
نامۀ اَوَل وَ کِلیسِی قُرَنتُس 3: SLB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company