نامۀ اَوَل وَ کِلیسِی قُرَنتُس 2
2
پِیومِ ایما مصلوب وابییَنِ مسیح
1وِ مو، ای کَکایَل، اوسِه که اومَم طِیتون، شهادتِ خدا نَه بِی گَپَلِ گَپو گَپو وِ حکمتِ دنیایی سیتون موعظَه نَکِردُم. 2سییِکِه خواسُم مابینِ ایشا چیئی نُونِسَه بوم بِغیرَ عیسی مسیح، وُ وِّ هَم مصلوب. 3وِ بِی ضعف وُ ترس وُ لرزِ زیادی طِیتون بییُم، 4وِ موعظه وِ پِیومِ خِمَه بِی گَپلِ قانع کنندۀ حکمتِ دنیا سیتون نَگُتُم، بلکَم بِی دلیل روحالقدس وِ قدرتِ خدا گُتُم. 5تا ایمون ایشا، نَه وَ حکمتِ آیَمَل، بلکم وَ ری قدرتِ خدا بو.
حکمت روحِ خدا
6وا ای حال، ایما مابینِ آیَمَلِ بالِغ بِی حکمت گَپ ایزَنیم، هَرچَن نَه حکمتی یَه که این ای زَمونَه یا حاکِمَلِ ای زَمونَه بو که محکوم وَ نابودی یَن، 7بلکم ایما حکمتِ خدا نَه اعلام ایکِنیم که مِنِه سِرّی پَنون بی وِ خدا وِه نَه وَ اَزَل، نَها سی جلالِ ایما. 8هیچ کویَکی وَ حاکِمَلِ ای زَمونَه، ای حکمتَه نَفَمِسِن، سییِکِه اَر وِه نَه فَمِسَه بییِن، خداوندِ جلالَه نیکَشییِن وَ صلیب. 9امّا، هَموطو که مِنِه کتابِ اشعیایِ پیغمبر نِوشتَه وابییِه:
«اوچیئی نَه که هیچ تییَهای نَدییِه،
هیچ گوشی نَشنُفتِه،
وُ وَ فِکرِ هیچ بشری نَرَسییِه،
خدا سی دوسدارَلِ خُوش آمایَه کِردِه.»
10خدا ای چییَلَه وَ وسیلۀ روحِ خُوش وَ ایما آشکار کِردِه. سییِکِه روحِ خدا هَمَه چی نَه ایجورِه، حتی عُمقَلِ خدا نَه هَم. 11سییِکِه کیَه که وَ فِکرَلِ آیَمی آگا بو، غیرَ روحِ خُوش که مِنِشِه؟ هَمیطو هَم، تِنا روحِ خدایَه که وَ فِکرَلِ خدا آگایَه. 12ایسو ایما نَه روحِ ای دنیا، بلکم روحی نَه جُسیمِه که وَ خدایَه تا اوچییَلی نَه که خدا بِی دَسِدلوازی وَمون عطا کِردِه، بِفَمیم. 13وِ ایما یِنَه نَه بِی کلامی که بِی حکمتِ بشری یای دایَه ایابو ایگیم، بلکم بِی کلامی که روحِ خدا یای اییِه؛ حقیقَتَلِ روحانی نَه سی آیَمَلی که روحِ خدا نَه دارِن طوری ایگیم تا بِفَمِن. 14آیَمِ نفسانی کارَلِ مربوط وَ روحِ خدا نَه قبول نیکِنِه سییِکِه وَ نظرِش نایونی یَه، وُ وِّ نیتَرِه بِفَمِشون، سییِکِه تِنا بِی فهمِ روحانی ایابو دِرِسی اونگَلَه فَمی. 15آیَمی که روحِ خدا نَه دارِه درموردِ هَمَه چی قضاوت ایکِنِه، امّا هیشکَه نیتَرِه وِّ نَه قضاوت کِنِه.
16«سییِکِه کیَه که فکرِ خداوندَ دونِسَه بو
تا وَش یای بییِه؟»
امّا ایما فکرِ مسیحَ داریم.
Currently Selected:
نامۀ اَوَل وَ کِلیسِی قُرَنتُس 2: SLB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company