Popular Bible Verses from یوحَنّا 15

Share

ما تاگ اَستُم و شُمو شاخه ها. کسی که دَز مه مُومنه و ما دَزُو، اُو ثَمرِ کَلو مِیدیه، چُون جدا از مه شُمو هیچ کار نَمِیتَنِید.

شُمو دَز مه بُمَنِید و ما دَز شُمو مُومنُم. هیچ شاخه دَ تنهایی خُو ثَمر دَده نَمِیتنه سِوای که دَ تاگ بُمَنه. امی رقم شُمو ام نَمِیتَنِید ثَمر بِدِید، سِوای که دَز مه بُمَنِید.

اگه شُمو دَز مه بُمَنِید و تورای مه دَز شُمو بُمَنه، هر چِیزی که میخاهِید طلب کُنِید و امُو رقم بَلدِه شُمو مُوشه.

شُمو مَره اِنتِخاب نَکدِید، بَلکِه ما شُمو ره اِنتِخاب کدُم و ما شُمو ره مُقَرر کدُم تاکه بورِید و ثَمر بِدِید و ثَمر شُمو بُمَنه، تا هر چِیزی که از آتِه آسمانی دَ نامِ ازمه طلب کُنِید، اُو دَز شُمو بِدیه.

ازی کده مُحَبَتِ بُزُرگتَر وجُود نَدره که یَگو کس جان خُو ره بَلدِه دوستای خُو بِدیه.

هر شاخِه مه که بار نَگِیره اُو ره قَیچی کده پورته مُونه و هر شاخِه که بار بِگِیره اُو ره پاک مُونه تاکه کَلوتر حاصِل بِدیه.

حُکمِ ازمه اینَمی اَسته که شُمو یگدِیگِه خُو ره دوست دَشته بَشِید، امُو رقم که ما شُمو ره دوست دَرُم.

آتِه مه دَمزی طرِیق بُزُرگی-و-جلال پَیدا مُونه که شُمو کَلو ثَمر بِدِید و یارای مه بَشِید.

”ما تاگِ حقِیقی اَستُم و آتِه مه باغوان اَسته.

کسی که دَز مه نَمَنه، اُو مِثلِ یگ شاخه وَری دُور پورته شُده خُشک مُوشه و مردُم اُو شاخه ها ره جَم کده دَ مَنِه آتِش مِیندَزه تاکه دَر بِگِیره.

اِی چِیزا ره ما دَز شُمو گُفتُم تاکه خوشی مه دَز شُمو وجُود دَشته بَشه و خوشی شُمو کامِل شُنه.

اگه از احکام مه اِطاعَت کنِید، دَ مُحَبَت مه مُومَنِید، امُو رقمِیکه ما از احکامِ آتِه خُو اِطاعَت کدُم و دَ مُحَبَتِ ازُو مُومنُم.

اینَمی حُکم ره ما دَز شُمو مِیدُم که شُمو یگدِیگِه خُو ره دوست دَشته بَشِید.

اگه شُمو دَزی دُنیا تعلُق مِیدَشتِید، دُنیا شُمو ره مِثلِ کسی خود خُو دوست مِیدَشت. لیکِن ازی که شُمو دَزی دُنیا تعلُق نَدَرِید و ما شُمو ره ازی دُنیا اِنتِخاب کدیم، امزی خاطر دُنیا از شُمو بَد مُوبَره.