Popular Bible Verses from Mateo 18

Share

Qá'a jega'me huetr'ague gaua' dos, 'uootaxa tres, da' huet'a'salo ỹasouaxat da' jaỹim ỹ'amaqtéetrac, qana'chi jaỹim souetaavlo jegaa'me.

Nataq'en 'ami senapegalo da' 'uootaxa huo'oi gaua' dos da' 'oñíita naỹi da' maliaxa huétr'a jen' 'aléua da' 'uootaxa ỹátaqta qodetaxaỹapíỹi ga' qoỹiỹáxanaaque da' netamen, qana'chi ñi' ỹit'a 'me net'ague da' piỹem, jiñi'me ỹanéegue jega'me qoỹiỹáxanaaque.

Qana'chi so' Jesús ỹiỹáxana so' nootolec, qana'chi nichaalataxanánỹi na' laiñi jesaa'me. Qana'chi 'enaaco': —Ỹátaqta 'eesa dójo' 'ami senapegalo da' 'uootaxa 'ami sa 'av'iỹílaqaỹa da' 'auadénaxachii ga' nootolec, qana'chi 'ami sa 'auañoxochii da' 'aunoxoñiiuó'o da' l'onataxanaxac ñi' Dios 'me net'ague da' piỹem.

Qana'chi jega'me ỹátaqta ỹágueegue da' l'amaqchic da' huétaaue da' l'onataxanaxac ñi' Dios 'me net'ague da' piỹem, naqaiga jega'me sa n'amaqten qataxa v'iỹílaxa da' 'ená'am jénjo' nootolec.

Qataxa ga' ỹasouaxat da' jaỹim 'equegue da' ỹaconguet ga' 'oonolec jénjo' nootolec, na'chaỹim 'me jaỹim ỹaconguet.

Ỹátaqta 'eesa dójo' 'ami s'axatema, ga' 'ami sa 'auasiñii jen' 'aléua, qaa'le nataq'en da' piỹem sa qoỹasen. Qataxa ga' 'ami 'auasiñíita jen' 'aléua, nataq'en da' piỹem qoỹaséeta.

Qana'chi so' Jesús 'enaaco': —Naqaida qomle da' 'éeta da' 'oñíita ñi' ỹit'a 'me net'ague da' piỹem, da' 'uootaxa ñi' 'oonolec sa 'te da' ỹátaqta liquidiaqtéỹaxac da' ỹichoxoden ga' laqáỹa.

Gamachaqaiga siỹaxaua da' 'uootaxa ỹasouaxateguet ga' jaloic ga' 'oonolec jénjo' qaỹa ga' l'amaqchic 'me jaỹim ỹ'amaqtéetac, qana'chi jega'me n'óota da' ỹátaqta qoỹasaxánỹi na' laiñi jaga' huaxai, qoỹicoñitot na' loqosot ga' 'elguec qa'.

'Ami ¿hua'ago' ga' 'éeta ga' 'adeenataxaquii? Da' 'uootaxa 'uo ga' siỹaxaua da' 'uo jaga' cien lalo n'aanaxate, qaláxasa da' 'uootaxa ỹisómaac jaga' 'oonole, ¿séetapega sa n'ónaxataleco' jega' soqoỹoqóchisee'mec 'aléua jaga' noventa y nueve n'aanaxatepi, ỹim, qana'chi jec da' nimitáaque jaga' 'oonole 'me ỹisómtac?