Popular Bible Verses from Mateo 19

Share

Qana'chi so' Jesús ỹilapegoovlo jesaa'me, qana'chi 'enaaco': —Jen' siỹaxadipi sa ỹañoxot dójo', qaláxasa ñi'me Dios 'me qaỹa 'te ỹaqalánaac.

Qana'chi jegaa'me sa 'te da' sega'me dos. Na'chidáta da' 'ená'am ga' 'oonolec. Chan'eesa ga' siỹaxaua sa 'te da' ỹisoỹilo gaua' ỹ'onáxana't ñi' Dios.

Qana'chi so' Jesús 'enaaco': —Séetapega 'eesa jodamaxa 'autaxaỹaxañii' naua' nidii's l'aqtaqa ñi' Dios jeda'me 'éeta jiñi'me joca'li ỹímta da' d'onataxan, qana'chi “ỹí'et so' siỹaxaua qataxa jaso' ỹauo.” Jiñi'me nataq'en 'enaaco': “Chan'eesa ga' siỹaxaua ca'ai gaua' let'al, da' qaidi l'acháqadiaxaua jaga' loua. Huá'a, qana'chi jegaa'me 'ená'am ga' 'oonolec siỹaxaua.”

Qaláxasa so' Jesús 'enaaco': —'Amachíit'a na' ñoqolqapi da' jaỹim nec'áte'uo. 'Ená'te da' 'au'oitapeeguet jena'me, qá'a ga' huétaaue da' l'onataxanaxac ñi' Dios 'me net'ague da' piỹem, jega'me 'ená'am ga' 'oonolec jena'me ñoqolqapi.

Qaláxasa ỹátaqta jalcote qomle jen'me naỹi 'uáueegue 'me p'áteegue qoỹin qomle, qataxa ỹátaqta jalcote qomle jen'me naỹi p'áteegue 'me 'uáueegue qoỹin qomle.

Qana'chi ỹima na' n'ónaxatañi na' l'acháqa'pi, 'uootaxa gaua' laqaỹadésoda li'mi qataxa gaua' laqaỹadésoda ỹauo', 'uootaxa let'a qataxa jaga' lat'e, 'uootaxa jaga' loua qataxa gaua' lec'óqo'te, 'uootaxa ga' n'aléua, ỹasouaxat da' jaỹim 'equegue, qana'chi jega'me ỹóvi' qomle ga' cien jen'me qoỹanempi. Nataq'en qoỹanem jeda'me nec'alaxa 'me qaỹa 'te loiquiaqa'.

Qana'chi so' Jesús 'enaaco': —Da' sétaaque ỹátaqta nalóchiiñi da' 'adasoxoc, n'óota da' 'oc, qana'chi 'aumen ỹima na' 'am huet'ot, qataxa 'auanóoue na' choxodaqpi, qaidi 'uo ga' 'adesaliaxa huet'ague da' piỹem. Qaláxasa qomle 'adem, qana'chi 'auanac, jaỹim 'oquegue.

Qana'chi so' Jesús 'enaaco': —¿Tóoqo'chi da' 'auéetapega jaỹim sóxodaic? Qá'a qaỹa 'te laqáỹa jiñi'me sóxodaic, 'oonolec Dios. Qaláxasa da' 'am sétaaque da' 'aunoxoneuó'o da' nec'alaxa, n'óota da' 'am ỹátaqta 'aualaxalégue jen'me lamaxasóxonaxacpi ñi' Dios.

Jaỹim s'iỹílaxalégue da' 'ami s'aqtaxanema, da' ỹátaqta 'uo da' laqalaic jaga' naanáxanaq da' taa'uet jaga' l'aite jaga' náicaiỹi. Qaláxasa ỹágueegue da' laqalaic ga' saliaxanec da' ỹinoxoneuó'o da' l'onataxanaxac ñi' Dios 'me ỹimata'a'téna.

Qana'chi jaỹim 'ami senapegalo, ga' nañíi'me' jaga' loua, da' 'uootaxa sa huasoilégue da' lequeséeguetaxa jaga'me, qana'chi jega'me da' 'uootaxa huó'on, qana'chi 'ená'am ga' necachítapegue' jaga' sa loua. Qataxa jega'me 'uoneguet jaga' ỹauo 'me qoỹiguem, nataq'en jega'me 'ená'am ga' necachítapegue' jaga' sa loua.

Qana'chi so' Jesús 'enapegalo saua' lapaxaguenataqa, 'enaaco': —Ỹátaqta 'eesa dójo' 'ami s'axatema, ỹátaqta 'uo da' laqalaic na' saliaxanqapi da' ỹinoxoneuó'o da' l'onataxanaxac ñi' Dios 'me net'ague da' piỹem.