Popular Bible Verses from LWIKÖÖ 'BƆGƲ 3

Share

La do'o wa'a la-a -bhla Za -die 'mö 'pa, ɔ-ɔ nɩkpa badizee 'le 'n Zezwi jio-o -ma ghlɩ, 'n ɔ jio-a badize. Ɔ badize-a Zezwi, -mɔ la'a-a -Lagɔ -bɛlɩ 'pa 'le, 'n ngönagatapɛ ji-a ngo walɩ. 'N Zuzu 'Wlawla jio-a -gömö sɛ 'sibhë, -n -kʋʋ yɩlɩ e -bhlee 'gblɩ. -Ma -Lagɔtapɛ'ɛ 'n wɛlɩ ji-e -ma 'bhönɩ ɩ nɛ naa: “Na dlɩɛ sɛkagu -n glɩnɩ -bha, 'jɩbha n -jɩbhamö-a tenyi tenyi.”

-Sɩbha wa -wʋ-a ngli 'jɩbhajɩbhanɩ 'lee yɛ, Za nɛ -bha wa 'bhuo -kpöö de naa: “-Amöö -nɩ-ɛ, 'nyu nya n wʋya na-a badizenɩ 'le. Nɩkpɛ -ɔ -ga-a ma na nimï, n -nyɔɔ 'sɔ 'nɩ mlinɩ, ɔ 'tɛ-ɛ 'mö ɔ zi'i. N 'yɛ sɛ nyinie 'bhëë 'fʋ n 'yɛ ɔ 'sikplie 'likpï bulonʋ n 'nɩɩ 'wʋ -ngwa. Ɔ -yɛ -nɩ ji-e, Zuzu 'Wlawla -yɛ -kosu 'sɔ ɔ jiya-a badizenɩɛ.

A nʋ -li la'a -ɩ tulua naa a yɛ ligba a yɛ a 'jinyloli cɛ 'mö -sa 'bhë. A'a 'pa dlɩ -nɩ naa Ablaamöö ngëyi a glɩnɩ-aa yɛ -ɩ la'a 'nɩya-a 'wʋ yɩlɩ -nɩ. Sa'a n gba-a sa'a a de naa: Tɩkpaku a jɩnɩ-ɛ -la 'wʋ, -Lagɔ bhɛlɩ ʋ 'kɩ 'wʋ 'libhï ʋ 'kɩ Ablaamöö ngëyi 'wʋ zʋa.

A jɩblɩnɩ sɛ naa wa yɛ 'gbïpa -bha swie gu yawʋ sɛ zʋ 'bhë wa 'kɩ 'klaa yɛ, swi la'a -ɩ 'nɩ tlʋ-a 'bhïë bhï, glu wa jiɩ-a 'klanɩɛ wa 'kɩ sia.”

Zaa yɛ -Lagɔɔ 'mögbanɩnyɔ Ezayi 'cɛlɩ-ɛ sa'a -ma ɔ -Lagɔbɔgʋ 'mö naa: “Nɩkpɛ -bhlʋ kpö-ö -ma 'mïsekpa 'klʋ 'mö, ɔ nɛ naa: A -sa -aa Nyininyɔɔ 'yuogblʋɩ, a slɛmanɩɩ 'mö ɔ-ɔ ji 'le. A 'su 'bhʋkɔ 'bhuo 'wʋ, a nyinianɩ -gɔgɔgbɩ 'bhuo yɛ, a slɛmanɩ 'mökikinɩyuogblʋɩ 'mö, a mlianɩ pʋpʋɔ 'wʋkayuogblʋɩ 'wʋ. -Bhaa do'o 'pʋpʋɛ -Lagɔ -la-a yɛ, nɩkpa bhuo-o jiɛ-a yɩlɩɛ.”