Popular Bible Verses from LWIKÖÖ 'BƆGƲ 4

Share

“-Lagɔɔ Zuzu wʋ'ʋ-a -gömö, -Lagɔ sa'a-a -bha n 'yɛ ngazɩngwa 'tɩtɩɛ -tɩtɩ kwa. Mʋ-ʋ tia'a -bha, -waa dlɩa -wʋ-a jili 'le n 'kʋa dlɩ 'wʋ pupua. N 'yɛ -diengwa 'dɩ -sanɩ naa, wa -die yɛ bhɩa 'bhë. N 'yɛ 'lɔkpɔlɔkpɔngwaa 'jie kalɩ. Nɩkpa la'a wa -wʋ-a 'zwɩ zia 'le n 'kʋa 'zwɩ 'mö -sa. Mʋ-ʋ tia'a-a -bha n 'yɛ nɩkpa 'bhuo 'dɩ 'nyɛ naa: La -Lagɔ ji-a nɩkpaa de ngazɩdlɩ 'panɩɛ -bha yɛ nyini 'bhë.”

Sata gba-a -sɩbha Zezwi nɛ naa: “Sa'a ɩ 'cɛlɩɔ-ɔ sa'a -ma -Lagɔwɛlɩɛ 'bɔgʋ 'mö naa: Bʋbɔ -na Nyininyɔ -Lagɔ -bhlʋ 'tɩ.”

Sata gba-a sa'a, Zezwi nɛ naa: “Sa'a ɩ 'cɛlɩɔ-ɔ sa'a -ma -Lagɔwɛlɩɛ 'bɔgʋ 'mö naa: Nɩkpɛ 'na lilie 'bhëë 'nyizee yɛ -bhlɩ.”

Zuzu 'Wlawla ye-e -ma Zezwie dlɩ zɔmö ɔ 'bhö-ö -ma Zludɛ yawʋ, 'n ʋ jio-o -ma 'mïsekpa 'klʋ kwa.

A gba-a sa'a Zezwi nɛ: “Sa'a ɩ 'cɛlɩɔ-ɔ 'yɛ-ɛ sa'a -nɩ -ma -Lagɔwɛlɩɛ 'bɔgʋ 'mö naa, -nn jɩla -na Nyininyɔ -Lagɔ 'mö -nɩ.”

Sata 'pɔ-ɔ -ma kplokplo, a -li 'nɩ-ɛ 'wʋ 'plɩ, 'n a jio-o -bhla yawʋ 'bhö-ö, de -mɩmɩ -yɛ nyini 'bhë a 'kɔ -ma -pa kwla'a ji 'sɔ.

'N Sata jio-a 'wʋ 'libhï, 'n a -nyɔɔ ji-e -ma -gɔgɔgbʋ 'kadʋ -bhlʋɔ 'klʋ mö. 'N a jio-o -bha -gaganɩlɩ'ɩ ma'a 'pɩ 'wʋɔ -gwlɩ 'bhuo 'ji tuluanɩ. A nɛ -bha ɔ de naa: “-Gwlɩ la'a bhuo -n jɩnɩ-ɛ -la 'wʋ, -amö wa 'nyɩ-a 'ye, -mɔ n -yɛ 'jɩbha 'mɔ n nyɩ-a 'ye. -N -yɛ -bha na dlɩ'ɩ -kokomunigbö glu 'pa -n ka'a bʋbɔ-ɔ, ɩ 'bhuo -na -li -bha.” Sata gba-a -sɩbha Zezwi nɛ naa: “Sa'a ɩ 'cɛlɩɔ-ɔ sa'a -ma -Lagɔwɛlɩɛ 'bɔgʋ 'mö naa: Bʋbɔ -na Nyininyɔ -Lagɔ -bhlʋ 'tɩ.”

Zezwi 'nyɛ-ɛ sa'a Sata 'dɩ, 'n a jio-a 'wʋ 'libhï 'sɔ, 'n a -nyɔɔ ji-e -ma Zelwizalɛmö mö, 'n a jio-o -ma -Lagɔbudu 'kadʋɔ 'gëdleyi 'ji sɛ zʋ. A nɛ naa: “-N -yɛ 'dɛdɛ'ɛ -Lagɔɔ 'gu glɩnɩ-ɛ, 'pa -najɩ zɔmö. -Wʋʋ 'yɛ-a, sa'a ɩ 'cɛlɩɔ-ɔ sa'a -ma -Lagɔwɛlɩɛ 'bɔgʋ 'mö naa: -Na yɛ -Lagɔ ji-a ʋ zuzuku 'dɩ 'nyɛɛ ɩ -kamö 'ji zʋ. Cɛ'ɛ ɩ -jimö-a -suo na kple ji-e kpiyi gozoo yɛ.” A gba-a sa'a Zezwi nɛ: “Sa'a ɩ 'cɛlɩɔ-ɔ 'yɛ-ɛ sa'a -nɩ -ma -Lagɔwɛlɩɛ 'bɔgʋ 'mö naa, -nn jɩla -na Nyininyɔ -Lagɔ 'mö -nɩ.”