Popular Bible Verses from LWIKÖÖ 'BƆGƲ 5

Share

Ɔ bhɩa-a gbagbʋ 'ji, ɔ nɛ -bha Simoo de naa: “-N -yɛ 'gɔlʋ nyini -ma 'nyibhle 'klʋ -n -yɛ -na namöngwa 'sɔ a 'yɛ a -dadɩ 'pa.”

Simo nɛ: “-Abhitɩbha, -a-a -dadɩ -pa 'le 'n zlɩ -jiya-a la'a zɩnɩ, -aa -lɛ -lu ghlɩ. -Na 'bhë -nmö gba 'mö-ö -sɩbhaa yɛ pa -a jiɩ -bha.” Wa 'pa-a -ma -dadɩ zibhï ɩ ye-a 'möö yɛ, wa'a la -ma 'nyi 'mö ɩ -sasɩɛ bhɛlɩ, ɩ 'likpï nɛ ɩ 'yɛ do.

Ɔ -yɛ nɛ nʋ-ɔ, la-a 'do-a yawʋ -bha ɔ mö -bha, 'n ɔ 'panɩ-ɛ -bha -Lagɔ -bɛlɩ.

Ɩ zɔmö-ö -yɛ-a naa: N'n -lɛ -wa -wʋ-a -kpöön yɛ ji. -Wa la'a -wa glɩnɩ-a 'jinylolie nʋngwa, wa 'yɛ ligba wa 'yɛ wa 'jinyloli cɛ 'mö -saa yɛ n ji -bha.”

Simo wa la 'yɛ-a Piɛlɩ yɩlɩ-a Zezwie nʋnʋli 'wʋ-ɔ, 'n ɔ ji-e -bha ɔ dlɩ'ɩ -kokomunigbö glu 'pa, ɔ nɛ naa: “Nyininyɔ, n -bhiamö yawʋ, 'pa -bha na yawʋ -najɩ nimï, 'jinylolie nʋnʋnyɔ n glɩnɩ -bha.”

Zezwi 'nʋ-a, 'n ɔ jua-a 'nine 'panɩ, ɔ nɛ naa: “-Ɔ la'a -ɔ -ja-a, mɔ-ɔ 'nɩ mö -dɔtʋlʋa 'mö, guzunyɔ mö-a -dɔtʋlʋa 'mö.

'N wa -yɛ wa 'gɔlɩ 'sɔ ji-e -bha 'nyie 'kïkë yawʋ nyini, wa tɩ-ɛ -bha -li 'bhuo, 'n wa ji-a Zezwi 'bɩ mö.

'Ylɩ -bhlʋ, -ma Galilee dʋdʋ -gömöö -glɔ -bhlʋ 'mö Zezwi-e -ma, 'n 'lalʋlɩbhanyɔ -bhlʋ -ɔ 'lalʋ ye-a ku 'mö jio-a 'wʋ ji. 'N ɔ ji-e -bha ɔ dlɩ'ɩ 'wlu glu 'pa, ɔ nɛ naa: “Nyininyɔ, n -bhiamö yawʋ -göpö'ö, n -ji sɛ -n bhɛlɩ n ka'a göpö.” Ɔ gba-a sa'a, 'n Zezwi ji-a sɔ 'mö plu 'n ɔ jio-a cɛ zʋ. Ɔ nɛ: “N yɛ nglu 'bhë, 'pʋ!” Zezwi gba-a sa'a, -bha -gaganɩlɩ'ɩ nɩkpɛ la'a lalʋ-ʋ bhɩɔ-a ku 'mö.

Zezwi 'nyɔ-ɔ -sɩbha 'dɩ 'bhë, 'n ɔ 'nglɩ ba la-aa 'nyize. 'N nɩkpaa -zakpö ghlɩɔ-ɔ -bha wa 'yɛ -Lagɔwɛlɩ 'nʋ ɔ 'kʋa 'yɛ göpöö yɛ.