Popular Bible Verses from मरकुस 10

Share

चिलिमेनचि मनवा रिई होपोन तेः हों सेवा-सुसार इरीः काय हेच्‍चेकानाय, मुदा इनाते हेच्‍चेकानाय चि आच सेवा-सुसार कुवाय अरो बेचोट होर रआ छोड़ाव कथिर गोनोंग एम केते आच रआ जीव एएम।”

ईसु उनकु सोझ नेल केते गाम्‍मेताय, “होर एते दो नुवां का होयुःआ मुदा परमेसर एते दो होयुःआ; चिलिमेनचि परमेसर एते सुबिन्‍नाः होय सकावोःओ।”

ईसु उनी के गामवादेयाय, “सेनजोन, आम रआ बिसवास आम के बुगी वेःमाय।” उनी एनेन गी नेनेल हेलावेनाय, होरा रे उनी रआ तयोम सेसेन हेलावेनाय।

इनाते जेके परमेसर जोड़ाव एकाःकिनाय, उनकिन के मनवां ओलोपे अलगकिना।”

ईसु उनी के नेल केते दुलार एदेयाय अरो उनी के गामवादेयाय, “आम रे मियाः गानाम रआ कोमी हेनाःआं। दु सिनुःमी, जहन्‍नाः आम रआ हेनाःआं उना अखरीञ केते रेंगेच-रबंङकु के एमाकुम, आम के सोवाराग रे धन नमुःआं अरो हेच केते इञ रआ तयोम कोःमी।”

ईसु उनी एते गाम्‍मेताय, “आम चिलिकाः चहाः कनाम चि इञ आम कथिर कराविञ?” अंधरा ईसु के गामवादेयाय, “ए गुरु, इञ नेनेल दड़िवाकाञ।”

मुदा अपे रे नुंका बनुःआं, जहय गी अपे होरकु रे मरंग बयुः चहाः कनापे अपे रिई धंगोर बयुःकाय।

इञ अपे एते सच गामवापे कनिञ चि, जेगी परमेसर रआ राइज ता बालेच होपोन लेका काय गरहन नियाय, उनी उना रे केहयो काय बोलो दड़िवाःआ।”

मुदा बेचोट जे पहिल रेकुवा, तयोम ओ:ओकु अरो जे सुबिन एते तयोम अकु लहा नोःओकु।”

मुदा सिरजव रआ पहिल एते, जे लेका बचन रे ओल्‍लेकाना, ‘परमेसर एरा अरो हेरेल के बायेःकिनाय।’ इनाते हेरेल अपन एंगा-आपु के बागी केते अपन एरा लोः तहिनोःओय अरो उनकिन बनार मीः होड़मो होयुःआकिन? इनाते उनकिन नेबरीक दो बार होर बङा मुदा मीः अकिन