Popular Bible Verses from मरकुस 11

Share

इनाते इञ अपे के गामवापे कनिञ हें चि जहन्‍नाः गी पराथना रे कोय्येपे, दो बिसवास केपे चि अपे के नाम्‍मेना, अपे कथिर होयजोना।

इञ अपे एते सच गी गामवापे कनिञ चि जे गी नियां बुरु एते गाम्‍माकु, आम तुतजोन अरो समुदर रे सेनजोन, अपन मोन रे संका ओलोपे दोहोया, मुदा बिसवास एकाकु चि जे गामकानिञ हें उना होयजोना, दो उनी कथिर इनागी होयुःआ।

अरो जोब केहयो तिंगु केते पराथनायपे रेदो जे अपे रआ मोन रे, जहय रआ जहन सिकायत मेनाःआं रेदो माफ एपे; इनाते चि अपे रिई सिरमा आपु हों अबुन रआ गुनाह माफियाय।

ईसु उनकु के जबाब एमाःकुवाय, “परमेसर रे बिसवास दोहोयपे।

अरो सिखाव केते उनकु के गामवाःकुवाय, “चिलि नुवां का ओल एकाना चि, जेलेका परमेसर गाम्‍मेताय, इञ रआ ओड़ाः सुबिन जाइतकु रेन होर कथिर पराथना रआ ओड़ाः गामुःआं? मुदा अपे गी कुमरुकु रआ मियाः ठांव बाय एकाःआपे।”

जे ईसु रआ लहा-लहा सेन इदिइ केनाकु अरो तयोम-तयोम सेन अगुइ केनाकु, उनकु होहो-होहो गामइदिइ केनाकु, “होसान्‍ना! धेनया हेनाया उनी जे परभु रआ लुतूम एते हिजुःकाय!

आले रिई पुरखा दाऊद रआ राइज जे हिजुःका, धेनया हेनाःआं, उसुल सिरमा रे होसान्‍ना!”