Popular Bible Verses from Romanfoɛ 2

Share

Na wɔ, mmerɛ bɔ ɛbu bɛ bɔ bɛyɛ sɔ nningyein né atɛn na wɔ bɔbɔ ɛyɛ bie ne, w'adwene yɛ wɔ kyɛ ɛkɔnwati Nyameɛ atemmuo anaa? Anaa ɛnze kyɛ Nyameɛ ayamye ti, ɔpena kyɛ ɔboka wɔ maa enya adwene-sakra? Bɔ yeti ɛbu ye ayamye, ye ndoboaseɛ, ne ye aboterɛ pembe né animtia ne?

Yeti, sɛ ɛte nzu sona po na ebu ebie atɛn a, ɛlle nyeanoɛ biala. Na mmerɛ bɔ ebu ebie atɛn ne, né ebu wɔ nwo fɔ, ofikyɛ wɔ bɔ ebu atɛn ne, nningyein komapɛ nala bie yeɛ ɛyɛ ɔ.

Ofikyɛ Nyameɛ de, ɔnyeye mmenia nu.

Ofikyɛ nná bɛ bɔ betie mmeraa ne yeɛ bɛte teneneefoɛ wɔ Nyameɛ nyunu ɔ, mmom bɛ bɔ bɛfa mmeraa ne bɛyɛ adwuma ne yeɛ bɛkobu bɛ teneneefoɛ ɔ.

Na “okotua ebiala kerɛ kyɛbɔ ye adwuma te ɔ.”

Nakoso, bɛ bɔ bɛkuro ngondii, bɛndie nahorɛ ne, na bɛyɛ bɔne ne, asotwe ne ɛyaa yeɛ ɔkɔwa bɛ so ɔ.

Nakoso ɔnate kyɛ ɛte dwɛɛ, ná ɛyɛlle w'adwene kyɛ ɛsakra nati, ɛboɔboa ɛyaa noa ma wɔ nwo wɔ kyẽa bɔ Nyameɛ kɔfa yaa paa na ɔkɔye ye atɛn tenenee ne ali ne.