Popular Bible Verses from Romanfoɛ 3

Share

Ebiala ayɛ bɔne, yeti bɛndwu Nyameɛ anuonyam nanwo. Na akyɛdeɛ yeɛ Nyameɛ afa ama bɛ, kyɛ ye adom ti, ɔnate Kristo Yesu agyedeɛ naso abu bɛ bem.

Bɛ bɔ bɛle gyidie namukoraati, sɛ benya gyidie wɔ Yesu Kristo nu a, bɛkɔhora bɛkɔɔyɛ teneneefoɛ. Ofikyɛ nzonzonyɛ biala nne bɛ nu.

Nyameɛ fale ye mane kyɛ afɔleɛ, kyɛ yɛnya gyidie wɔ ye mogya nanu, ná wamaa yasiesie yɛne ye afia. Nyameɛ yɛle sɔ fa hyirele ye bɔbɔ ye tenenee, ofikyɛ ye aboterɛ ti, wabu ye nye wagua bɔne bɔ bɛyɛle ye daa naso. Ɔyɛle sɔ, kyɛbɔ ɔkɔyɛ a ɔkɔla ye tenenee ali wɔ mmerɛ he anu, na wamaa wayɛ teneneeniɛ mmerɛ po bɔ obu sona bɔ ole gyidie wɔ Yesu nu ne bem ne.

Yeti, bɛngɔfa mmeraa nanu nningyein bɛngɔbu sona biala bem wɔ ye nyunu, ofikyɛ mmeraa yeɛ ɔmaa yɛnwu bɔne yé ɔ.

kyɛbɔ bahworɔ ne: “Sona biala nne berɛ bɔ ɔte teneneeniɛ ɔ, komapɛ po nne berɛ. Ebiala nne berɛ bɔ ole ndeaseɛ ɔ, ná ebiala mbena Nyameɛ. Sona biala amini, na mvasoɛ nne bɛ nu biala so; bɛ nu biala nne berɛ bɔ ɔyɛ pa ɔ, sona-horɛ po nne berɛ.”

Ɛhe maa yɛnwu kyɛ, gyidie yeɛ ɔmaa bɛbu ebie bem ɔ, ná ɔtte mmeraa nanu nningyein bɔ ɔkɔyɛ ne.

Dabida! Sɛ sona biala te ngondomboniɛ po a, Nyameɛ de, odi nahorɛ, kyɛbɔ bahworɔ ne: “Kyɛbɔ ɔkɔyɛ a ɛkoli bem wɔ wɔ dwudwolɛ nu, na sɛ bɛbu wɔ atɛn a, ali ngunim.”