Popular Bible Verses from Romanfoɛ 4

Share

Nakoso Nyameɛ bɔhyɛ nati, onyane gyidie, ná wanzu aporowaa, mmom ye gyidie ne maa onyane anwoserɛ, na ɔhyɛle Nyameɛ anuonyam. Na né odɛ di paa kyɛ, ɛbɔ bɔ Nyameɛ ahyɛ ne, ɔkɔwa nu.

(Na sɔ ala yeɛ bahworɔ ɔ, bahworɔ kyɛ: “Mafa wɔ mayɛ maen pee baba.”) Ɔte yɛ baba wɔ Nyameɛ bɔ onyane gyidie wɔ ye nu ne nyunu, Nyameɛ he yeɛ otingye bɛ bɔ bawu ne, ná nningyein bɔ ɔnne berɛ ne, ɔka ye nwo dwirɛ kyɛ ɔwɔ berɛ ne.

Yɛ bɔne ti yeɛ bɛyele ye bɛmane ne, na bɛtingyele ye, kyɛbɔ ɔkɔyɛ a, okobu yɛ teneneefoɛ ɔ.

Né anidasoɛ biala nne berɛ, nakoso Abraham nyane anidasoɛ, na onyane gyidie kyɛ, ɔkɔyɛ maen pee baba, kyɛbɔ né baha kyɛ: “Sɔ yeɛ wɔ bosofoɛ kɔyɛ ɔ.”

Ɛhene ati yeɛ bɔhyɛ ne nate gyidie so ne, kyɛbɔ ɔkɔyɛ a okogyina adom so, ná yebo atimu ama ye bosofoɛ mukoraati; nná bɛ bɔ bɛdi mmeraa naso ne ngome, mmom bɛ bɔ bɛle Abraham gyidie ne bie ne koso. Ofikyɛ ɔte yɛ mukoraati baba.

“Anigye yeɛ ole sona bɔ Nyameɛ afa ye mmerato ahyɛ ye, na wakata ye bɔne so ne; anigye yeɛ ole sona bɔ Awurade ngobu ye bɔne nwo ngondaa ɔ.”

Nakoso, nzu yeɛ tworɔnzɛm ne ka ɔ? Ɔka kyɛ: “Abraham nyane gyidie wɔ Nyameɛ nu, na bɛbule ye kyɛ ɔte teneneeniɛ.”