Popular Bible Verses from Romanfoɛ 5

Share

Nakoso Nyameɛ amaa yanwu ye paa kyɛ ɔdɔ yɛ, ofikyɛ mmerɛ bɔ ne yɛtɛ́ te abɔnefoɛ ne, Kristo wu mane yɛ.

Na anidasoɛ ne de, onni hwamɔ, ofikyɛ Nyameɛ nate honhom krongron bɔ ɔfa mane yɛ naso ahwie ye dɔ agua y'ahone nu.

Nná ɛhene angome, mmom ɛmɔma yɛli ahurusi mmerɛ bɔ yɛnwu amaneɛ ne, ofikyɛ yɛse kyɛ amanehunu fa animia ba, na animia ne maa Nyameɛ dɛ́ yɛ to nu, na sɛ Nyameɛ dɛ́ yɛ to nu a, yɛnya anidasoɛ.

Yeti, kesaalae bɔ yɛ gyidie ti, babu yɛ bem ne, ɛmɔma yɛfa y'Awurade Yesu Kristo so, na yɛne Nyameɛ tena asomdwie nu. Gyidie bɔ yɛle ye wɔ Yesu nu nati, yanya ye nwo atee yapingye Nyameɛ, na sɔ adom ne yeɛ yɛwɔ nu ne. Na Nyameɛ adom bɔ yekonya ye nanwo anidasoɛ nati, yɛdi ahurusi.

Mmerɛ bɔ ne yɛtɛ́ yɛ mmerɛ ne, Kristo wu mane abɔnefoɛ, wɔ mmerɛ bɔ ne bahyɛ nanu.

Ɔnate kyɛ kesaalae bɛnate ye mogya naso babu yɛ bem nati, kyɛbɔ ɔte biala ne, ɔnate ye so kole yɛ kofi ɛyaa nanu.

Na kyɛbɔ sona-horɛ ne asoserɛ ne maa mmeni pee yɛle abɔnefoɛ ne, sɔ ala yeɛ sona-horɛ ne sotie ti, mmeni pee kɔyɛ teneneefoɛ.

Nná ɛhe angome, mmom y'Awurade Yesu Kristo bɔ yɛnate ye so asiesie yɛ ne Nyameɛ afia nati, yɛdi ahurusi wɔ Nyameɛ nu.