Popular Bible Verses from 2 Timoti 1

Share

Te, ene God kogonmo eratnga i, kudugl goglkro! I siragl pre God ye Murubuglomo norukwa suna moglkwa i, nono kudugl goraiglmedi erekrukwa. Ye erukwa i, yobuglo norsre, nono deno muduno ikne ikne tenaiglmedi ersre, nomane wakai norukwa.

Ana God moglkwa i, ye nono ere idre, nono ye yobama kaima moraiglmedi agle dugo, ede suna umga. Ye nono ere yugwa i, nono kogon wakai ta erumga pre nono ere ikrukwa ba yene wakai prisre, ere wakai ere noragledi prumere nono ere yugwa. God ye nono yegl mere ere wakai ere norukwa i, ye okna ibo, taragl swara ta ere yeikrukwa igne, Krais Jisas mina ere wakai ere noragledi di padigl kodugwa.

Yegl pre na ene di tebo, ene kor poglo di pratnedi prika i, okna na ogona bitn mina yeigo, God ere mogl kogon ta eratnedi ye yobuglo bogl togwa i, ye yobuglomo i u podo enabedi ero.

Yegl erukwa pre ene kudugl goratnga i, kuno ta erekrukwa. Ene Yaglno Kade kamo di nogugl edinatnga i, agai goglkro! Te, na Yagl Kade pre kane paiga i, ama againa goglkro! Ene agai ta goglkratnga ba ene God yobuglomo idre, Jisas kamo wakai i pre na yubun imere yegl, ene ama yubun yegl inatnga paugwa.

Ana God kogon yegl narukwa pre na yubun tau mere iga, ba na agai ta goglkrika. I siragl pre na yoba swara ta pre mediglka i, pre kan ere kodiga. Te, na pre gi diga i, na taragl ta ye ogo mina yeiga i, ye wakai ere sugl mogl enan, na okuo ye kanaglka igne, inaglka kuno erumedi prika.