Popular Bible Verses from 2 Timoti 2

Share

Timoti yo, ene kogon eratnara i, God wakai kanabedi ye kamo wakai ere bekenatnga! Ene yegl etn, ene God kamo, kaima paugwa i, kuno ere yoba di tedre, agai ta goglkratnga paugwa.

Ana mabuno kide tau gakamugl deno muduno mina pogglau boglkwa i, ene ere dinagledi teke ede eglke po. Ba ene mabuno du ya God kamo pre mediglnga mabuno i ya, yoba pere den mudn tenatnga mabuno i ya te, yoba pere bogl akie wakai moraiglkwa mabuno i, ene eragledi ero. Te, na ene swara mabuno wakai yegl eratnga i pre ta dikrika ba yoba ira ta ye deno muduno bogl God agle dinaiglkwa yobamo ta moraiglkwa i, ene ye bogl akie mabuno wakai eramnedi eraiglkwa pre diga.

Yagl Kade niglmo kogonmo yoba ta moraiglkwa i, ye yoba pere bogl kigl nonga dikraiglkwa paugwa. Te, yoba ta ye ere kide ere tebi, ye deno tabre kubro tekraiglkwa paugwa ba ye yoba mudu ere wakai ere tedre, God kamo siragl mere yoba beke tenaiglkwa i yene pre pogl sidre, beke tenaiglkwa paugwa.

Nono pre medigl moglkrumun, ye ka dumara adigl mogl pai morabuka. I siragl pre ye yene ka dumara adigl moglkrabuka i, kuno ta erekrukwa.

Te, ye mogl atne edidre, yoba ta ye kudano ikne mere yegl moraiglkwa i, ka beke tenaiglkwa paugwa. I siragl pre God yoba i agai tenan, ye nomano yake tedre, ka kaima paugwa i pre pogl sinaiglmo mo sikraiglmo mo i, nono ta prikrumga pre God kogonmo yoba ye yoba i ka beke tenaiglkwa paugwa.

Ba yoba tau God mokono tedre, ka mem wakai ta paikrumara dinaiglkwa i, ene ye dinaiglmara suna moglkro. I siragl pre ye ka digwa i, num kide ta de ede u podo omere mere yegl, ye ka dimara i ede u podo enabuka. Ana na yoba tau ka mem wakai ta paikrukwa dime diga i, yagl suo Himeneus ya Filetus ama ka yegl mere dibrika.