Popular Bible Verses from EPH 6

Share

येनटीक की मनाद जगडाम रक्ताम इंगा फय जताक लेद, तर सत्ताधीशलु, अधिकारील, इ अंधकार अधिपती जताक इंगा मोडामलोन दुष्ट आत्माल जताक उंडाद.

प्रत्येक प्रार्थना इंगा विनंतीता प्रत्येक वेळला पवित्र आत्मा मदतता प्रार्थना शेयना इंगा मजबुतीता उत्तरदी दावा सुडना इंगा आंता परमेश्वर मंदी इचांग प्रार्थना शेयना इंगा तैयार उंडा.

शैतान योजना मुंदार नीला फडी शकायाला, आंका परमेश्वरी आन्नीच शस्त्रल फेटकोंडा.

दिनिचांग वाईट दिनमुलाला मिक सामना शेया दावाला आंका परमेश्वर इच्चीनेय पुर्ण शस्त्रल तिस्कोंडा. आंटे मिक आंता शेशीनेंका टीकाशी निलवाला

इटलाकाना फेद्दाद माटा इदी उंडाद की विश्वासदी ढाल मी शेतल्या तिस्कोंडा, दानता मीर आ दुष्ट तीकेल आंपीनेय आन्नी आग्गी बाणलु आरपी शकास्तार, इंगा तारणदी मुकुट इंगा पवित्र आत्माद तलवार, याद परमेश्वरदी वचन उंडाद, आदी तिस्कोंडा

तर मंग स्थिर नीला फडना, सत्यद पट्टा मी नडमुलाक कटकोंडा, नितीमत्वद कवच फेटकोंडा. शांती सुवार्ताता तैयार शेशीनेय जोडाल काळाला येस्कोंडा.

हे आक्का तम्मुळ्ळालाला आखरीक नाक इल्ला आनेद उंडाद की मीर, प्रभुला इंगा वान शक्तीला आत्मिक रुपता ताकतवर कांडा.

“मी आब्बानदी इंगा आम्माद मान फेटना, दिनिचांग की मिद शिंगार कावाला इंगा मिद पृथ्वी मिंदुडदी आयुष्य वाढायाला.” अभिवचन इच्चीनेद इद्दे पहिला आज्ञा उंडाद.

हे बिळ्ळालाला, प्रभुला मी आम्मा-आब्बानदी आज्ञापालन शेयना येनटीक की इदी योग्य उंडाद.